AVO bank 2024-yilning 12-iyulida AVO connect ilk yarim yillik ichki konferensiyasi bo'lib o'tganligini ma'lum qiladi. Tadbirda bank xodimlari birinchi yarim yillik natijalarini sarhisob qilish, korporativ KPI va kelgusi rejalarni muhokama qilish, shuningdek, eng yaxshi xodimlarni taqdirlash va jamoa ruhini mustahkamlash maqsadida yig'ildilar.
![](https://images.prismic.io/avo-uz/ZqD4xR5LeNNTxdTG_SOLO00865.jpg?auto=format%2Ccompress&fit=max&w=3840)
AVO connect konferensiyasi innovatsion raqamli bank tarixida muhim qadam bo'lib, barchaga o'z tajribalarini bo'lishish, strategiyalarni muhokama qilish va korporativ qadriyatlarni mustahkamlash uchun tengsiz imkoniyatni taqdim etdi. Kun davomida xodimlar bank direktorlar kengashi vakillarini tinglab, jamoani birlashtiruvchi fleshmob va viktorinalarda ishtirok etdilar.
![](https://images.prismic.io/avo-uz/ZqD4hR5LeNNTxdS-_unnamed.webp?auto=format%2Ccompress&fit=max&w=1920)
Konferensiyaning muhim daqiqalari
• Birinchi yarim yillik sarhisobi: bank rahbariyati qo'lga kiritilgan natijalar bilan bo'lishib, kelgusida qaysi sohalarda yanada oldinga chiqishimiz mumkinligiga urg'u berib o'tdi.
• Kelajak rejalari: ikkinchi yarim yillik rejalari muhokama qilinib, moliyaviy ko'rsatkichlarni yuqoriga ko'tarish bosh maqsad qilib olindi.
![](https://images.prismic.io/avo-uz/ZqD3NB5LeNNTxdSD_SOLO00585.jpg?auto=format%2Ccompress&fit=max&w=3840)
• Eng yaxshi xodimlarning taqdirlanishi: tadbir doirasida bank rivojiga o'zining sezilarli hissasini qo'shgan xodimlar taqdirlandilar. Saralar orasida saralarga qimmatbaho sovrinlar sovg'a qilindi. Bir necha nominatsiyalarni sanab o'tamiz: «O'z vaqtida» — vazifalarni o'z vaqtida va to'g'ri bajarganlik uchun, «Jamoaviy o'yinchi» — kompaniya, jumladan, departamentidagi hamkasblarga doimiy ko'mak uchun, «Ilhom parisi» — jamoada do'stona muhit yaratishdagi yordam va kreativ g'oyalar uchun va boshqalar.
• O'yin-kulgi: konferensiya so'ngida ishtirokchilarni bayramona furshet va DJ musiqalari kutib oldi.
![](https://images.prismic.io/avo-uz/ZqD49x5LeNNTxdTP_unnamed-1-.webp?auto=format%2Ccompress&fit=max&w=1920)
AVO bank yangidan-yangi texnologiyalarni singdirish va o'z mijozlari uchun xizmatni yaxshilash orqali rivojlanishda davom etib bormoqda. AVO connect singari ichki tadbirlar korporativ ruhni mustahkamlash va jamoa motivatsiyasini ko'tarishda muhim o'rin tutadi.