Kredit to‘liq qiymati (KTQ) — nima?

Iste’molchilarga — jismoniy shaxslarga ajratiladigan kreditlar (mikromoliyaviy qarzlar) bo‘yicha to‘liq qiymatni hisoblash tartibini Lex.uz dagi maqola belgilaydi: https://lex.uz/ru/docs/5655419.

AVO platinum kartasida qayta tiklanuvchi kredit liniyasi mavjud bo‘lib, uning to‘liq qiymati (KTQ) doimo o‘zgaradi va u to‘lovlar amalga oshirilgan paytda hisobga olinadi.

Kreditning to‘liq qiymati (KTQ) — bu qarz oluvchining kredit bo‘yicha barcha xarajatlari bo‘lib, yillik foizda ifodalanadi. KTQ bir yilda kredit aslida qancha turishini ko‘rsatadi. Bu qiymatga nafaqat asosiy qarz va foizlar, balki kreditni olish va undan foydalanish uchun majburiy bo‘lgan barcha komissiyalar, sug‘urtalar va boshqa to‘lovlar ham kiradi.

Kredit xizmatini ko‘rsatishda mijoz faqat asosiy qarz va asosiy foiz stavkasi bo‘yicha hisoblangan foizlargina emas, balki shartnomada ko‘zda tutilgan boshqa majburiy to‘lovlarni ham to‘laydi. Bunday to‘lovlarga quyidagilar kirishi mumkin:

• Kreditdan foydalanish uchun foizlar.

• Muddati o‘tkazib yuborilgan holatlarda jarimalar va penyalar.

• Xizmat ko‘rsatish komissiyalari (agar nazarda tutilgan bo‘lsa).

• Kreditga xizmat ko‘rsatish bilan bog‘liq boshqa majburiy to‘lovlar.

Bundan tashqari, umumiy to‘lov miqdoriga kreditni to‘lash muddati, mijoz tomonidan amalga oshiriladigan to‘lovlar soni, belgilangan kredit limiti miqdori va hisoblangan minimal to‘lov miqdori ham ta’sir qiladi. Mazkur omillarning barchasi KTQ (kreditning to‘liq qiymati) hisobida inobatga olinadi, bu esa qarz oluvchining barcha xarajatlarini hisobga olib, kredit yukini obyektiv baholash imkonini beradi.