Men ofisda soat 9:00 dan 18:00 gacha an’anaviy ish jadvali bo‘yicha ishlayman, buning ustiga vaqti-vaqti bilan xizmat safarlariga ham chiqib turaman. Uyda turmush o‘rtog‘im va ikkita farzandim kutadi. Oilam mazali va foydali ovqatlanishini xohlayman-u, lekin ishdan keyin kuchim faqat yengil tamaddi tayyorlashgagina yetadi.
Oldinlari ko‘pincha plitada yoki pechda ovqat tayyorlardim — bu 1,5–2 soat vaqtimni olardi. Ba’zida yetkazib berish xizmati qutqarardi, lekin bir kechki ovqat uchun kamida 180 ming so‘m ko‘plik qilardi. Birinchi holatda charchab qolardim, ikkinchisida esa ortiqcha xarajat qilishga majbur bo‘lardim.
Bu muammoning yechimi dugonam yuborgan aerogril haqidagi rils bo‘ldi. Tavakkal qilib, 6 litrlik Xiaomi aerogrilini sotib oldim. U oshxonada ko‘p joy egallamaydi va ko‘plab taomlarni tayyorlash uchun qulay. Yopishmaydigan qoplamali savatni yuvish oson. Kamchiliklardan faqat tayyorlash paytidagi ozgina shovqin va hid bor, xolos.
O‘z topilmam bilan bo‘lishibgina qolmay, uning yordamida ortiqcha yog‘siz va hamyonga zarar yetkazmasdan tayyorlanadigan taomlar retseptlarini ham beraman.
Nonushta: rezavorli vatrushka
Kerakli masalliqlar:
Masalliq | Miqdori | Narxi |
|---|---|---|
Kamilka tvorogi | 400 gr | 31 000 |
Tuxum | 1 dona | 4 000 |
Un | 3 osh q. | 800 |
Shakar | 5 osh q. | 1 200 |
Tuz | tabga ko‘ra | 100 |
Vanilin | tabga ko‘ra | 500 |
«Доброе деревенское утро» yunon yogurti | 180 gr (1 qadoq) | 11 000 |
Mavsumiy rezavorlar | 1 hovuch | 5 000 |
Umumiy narxi | 53 600 |
Tayyorlash usuli:
- Xamir uchun masalliqlarni aralashtiramiz: tvorog, tuxum, un, 3 osh qoshiq shakar, tuz va vanilin.
- 4 ta vatrushka yasab, o‘rtasida nachinka uchun chuqurcha qilamiz.
- Aerogrilda 170°C haroratda 10 daqiqa pishiramiz.
- Vatrushkalar qizarib turgan paytda nachinkani tayyorlaymiz: 150 gr yogurt, 2 osh qoshiq shakar va rezavorlarni aralashtiramiz.
- Vatrushkalarni olib, chuqurchalariga nachinkani solamiz.
- Yana 10 daqiqa pishiramiz.
Bu yumshoq va xushbo‘y vatrushkalarni bir zumda paqqos tushirishadi.
4 kishilik porsiya narxi: 53 600 so‘m.
Sarflangan vaqt: 20 daqiqa.
Tushlik: yasmiq va sabzavotlar bilan pishirilgan tovuq sonlari
Kerakli masalliqlar:
Masalliq | Miqdori | Narxi |
|---|---|---|
Yirik tovuq sonlari | 1 kg (5 dona) | 50 000 |
Smetana | 3 osh q. | 5 000 |
Tuz | tabga ko‘ra | 100 |
Murch | tabga ko‘ra | 500 |
Quritilgan sarimsoq | tabga ko‘ra | 500 |
Yasmiq | 100 gr | 1 600 |
Pomidor | 200 gr | 2 000 |
Bodring | 200 gr | 2 000 |
Salat bargi | 1 bosh | 6 000 |
Umumiy narxi | 67 700 |
Tayyorlash usuli
- Marinad uchun smetana, tuz, murch va sarimsoqni aralashtiramiz.
- Sonlarni marinadlab, 30 daqiqaga qoldiramiz.
- Aerogrilda qo‘l rejimida 180°C haroratda 20 daqiqa pishiramiz.
- Aylantirib, yana 15 daqiqa pishiramiz.
- Yasmiqqa ikki stakan suv (400 ml) quyib, qaynagach past olovda suyuqligi bug‘lanib ketguncha pishiramiz. Tayyor bo‘lishiga 5 daqiqa qolganda tuz sepamiz.
Sersuv tovuqni yangi sabzavotlar bilan dasturxonga tortamiz.
4 kishilik taom narxi: 67 700 so‘m.
Sarflangan vaqt: 35 daqiqa.
Mazali masalliqlar o‘zi kelmaydi 🥑
Ularni AVO platinum kartasi bilan to‘lang va 1% qaytarib oling
Kechki taom: kotlet, kabachok va guruch
Kerakli masalliqlar
Masalliq | Miqdori | Narxi |
|---|---|---|
Tovuq qiymasi | 500 gr | 30 000 |
Tuxum | 1 dona | 4 000 |
Manniy yormasi | 1 osh q. | 350 |
Yirik kabachok | 1 dona | 3 000 |
Tayyorlash usuli
- Qiymani tuxum, manniy yormasi, suvi siqilgan kabachok, tuz va murch bilan aralashtirib, 4 ta kotlet yasaymiz.
- Aerogrilda qo‘l rejimida 180°C haroratda 15 daqiqa pishiramiz.
- Ag‘darib, yana 15 daqiqa pishiramiz.
- 1 stakan (200 gr) guruchga 2 stakan (400 ml) suv quyib, tayyor bo‘lguncha 20–30 daqiqa qaynatamiz, ta’bga qarab tuz qo‘shamiz.
- Jo‘xorining suvini to‘kib, guruchga qo‘shib aralashtiramiz.
Qarsildoq bulg‘or qalampiri bilan dasturxonga tortamiz.
Ps: Bu kotletlarni hatto bolalar ham ishtaha bilan yeyishdi 😋
4 kishilik taom narxi: 60 950 so‘m.
Sarflangan vaqt: 30 daqiqa.
Xulosa
4 kishilik oila uchun 1 kunlik ovqat 183 ming so‘mga tushdi. Oldin shuncha pul birgina yetkazib beriladigan kechki ovqatga ketardi. Shunday qilib, shu pulga oilani 3 mahal to‘ydirish mumkin.
Agar shu tarzda muntazam ovqat tayyorlansa, bir oyda 5,5 mln so‘mgacha tejash mumkin — bu oilaning shahar tashqarisiga sayohati yoki hatto uy uchun yangi gadjetlar qiymatiga teng. Bir yilda esa 65 mln so‘mga yetadi — bu butun oila bilan chet elga bir necha marta uchib borishga yetarli pul degani.
Xarajatlarni kamaytirish uchun qo‘shimcha layfhaklar
- Men oziq-ovqatlarni ko‘p miqdorda sotib olib, bir qismini muzlatib qo‘yaman. Uyda pishirish uchun masalliq bo‘lganda, o‘zimizni ko‘chadan ovqat aytishdan tiyish osonroq bo‘ladi.
- Mavsumiy sabzavot, meva va rezavorlarni tanlayman — ular arzonroq va shirinroq bo‘ladi.
- Xaridlarni keshbegi bor karta bilan to‘layman — mening holatimda bu AVO platinum kredit kartasi. U bilan birinchi xariddan 100% gacha, qolgan barcha xaridlardan esa 1% keshbek olish mumkin.
Mehr bilan taom tayyorlang, keshbek esa kichik bir quvonchingizga aylansin 🤗
*Maqolada keltirilgan ma’lumotlar saytga joylashtirilgan vaqt uchungina amal qiladi: fikrlar muallifning shaxsiy qarashlarini aks ettiradi va AVO bank'ning rasmiy nuqtayi nazariga mos kelmasligi mumkin. Bank havola qilingan tashqi manbalar uchun mas’uliyatni zimmasiga olmaydi, ko‘rsatilgan narxlar esa taxminiy xarakterga ega. Qaror qabul qilishdan oldin eng so‘nggi ma’lumotlar bilan tanishib chiqishni tavsiya qilamiz.
