2024-yil 7-iyun kuni AVO bank mijozi, Abdikadirov Abdijamaladdin Abdiualiyevichga, AVO mobil ilovasi orqali 8 500 000 so’m miqdorida kredit limiti ajratilgan. Shu kunning o’zidayoq mijoz umumiy 8 464 000 so’mlik to’rtta pul o’tkazmalari bilan bog’liq operatsiyalarni amalga oshirgan.
Bankning amaldagi tariflariga ko’ra, har bir pul o’tkazmasidan 29 000 so’m miqdorida komissiya, shuningdek, operatsiya summasidan 2,9% yechib olinishi kerak. Ushbu to’rt operatsiya uchun hisoblangan umumiy komissiya summasi 361 456 so’mni tashkil qilgan. Ammo, texnik sabablarga ko’ra, ushbu operatsiyalar uchun komissiya o’z vaqtida yechib olinmagan. 2025-yilning 13-dekabrida bank dasturiy ta’minoti yangilangandan so’ng, mijoz hisob raqamida shaxsiy mablag'i yetarli bo'lmaganligi sababli, avval hisoblangan komissiyalar kredit limiti mablag'lari hisobidan yechilgan. Oqibatda, bu kredt limiti bo’yicha qarzdorlik kelib chiqishiga sabab bo’lgan.
O’tkazilgan suhbat davomida mijoz Bank oldidagi qarzdorligini 2025-yilning 15-apreliga qadar so’ndira olishini ma’lum qildi. O’z navbatida, Bank qarzdorlik so’ndirilgandan so’ng, jarima va penyalar bekor qilinishi haqida mijozni xabardor qildi. Ushbu ma’lumot 2025-yil 27-mart kuni mijozga yuborilgan 15-01/496-sonli rasmiy xatda o’z tasdig’ini topdi.
2025-yilning 4-aprelida mijoz qarzdorlikni to’liq so’ndirdi. 2025-yilning 8-aprel holatiga ko’ra barcha hisoblangan jarima va penyalar bekor qilingan.
