Bir necha yildan beri bento-tort buyurtma qilaman. Avvaliga shunchaki qutichadagi chiroyli mittivoyga qiziqib 🤩, keyin esa sabab bo‘lsa-bo‘lmasa — tug‘ilgan kunlar, yaqinlarimga syurprizlar, juma kunlari, hatto og‘ir haftadan keyin anti-stress sifatida ham oladigan bo‘lib qoldim. Shu vaqt ichida bu tortlar haqida menda muvaffaqiyatli buyurtmalar, yoqimli syurprizlar va yaqinlarimning taassurotlaridan iborat butun boshli hikoyalar yig‘ilib qolgan.
Ushbu maqolada 5 ta sinovdan o‘tgan qandolatxona haqida aytib beraman va o‘z fikrlarim bilan bo‘lishaman.
Muallif: Nasiba Kamilova
THE DESSERT
Darxon tomonda joylashgan kichik qandolatxona. Oldinlari dugonalarim bilan u yerga tez-tez shirinlik olishga kirib turardik, va o‘zimni uydagidek qulay his qilardim.
Bir dugonam xizmat safarida edi va mendan yigitiga kichkina syurpriz tayyorlab berishimni so‘radi: sovg‘a va ustiga yozuv tushirilgan bento-tort. Vaqt juda kam, xayolimga hech qanday g‘oya kelmadi, lekin hammasini juda tez hal qilib tashladim. Shokoladli tort tanladim — erkak kishiga mosroq, jiddiyroq ko‘rinadi deb o‘yladim. Qizlar qutichani tayyorlab berayotgan paytda ularni kuzatib turdim.
Natijada bejirim, yoqimli va ortiqcha bezaksiz tort oldim. Keyin tug‘ilgan kun egasi dizayni ham, ta’mi ham juda zo‘r bo‘lganini aytdi. Men esa vazifani uddalaganimdan xursand bo‘lib, yengil nafas oldim.
Narxi: 250 000 so‘m
Nima yoqdi:
Muallif: Nasiba Kamilova
ZIRA bakery
Mening bilishimcha, bu qandolatxona shaharda bento tayyorlagan birinchi joylardan biri. Bir necha yil oldin bento tortlarni rostdan ham kam joylarda tayyorlashardi.
Yaqinda hamkasbimiz uchun shu yerdan tort buyurtma qildik va dizaynni butun jamoa bo‘lib tanladik. Oxiri minimalistik variantda, ustiga «Tug‘ilgan kuning bilan!» degan yozuvda to‘xtadik. Ichiga esa rezavorli muss va krem-chiz tanladik.
O‘z vaqtida yetkazib berishdi. Bento shaklini yaxshi ushlab turdi, ta’mi mayin va muvozanatli edi.
📲 Bir necha soniyada onlayn to‘lang
AVO bank ilovasida 24/7 to‘lov va o‘tkazmalar
Narxi: 220 000 so‘m
Nima yoqdi:
COOK BOOK
Agar siz ham menga o‘xshab kompyuterdan turib buyurtma qilishni yoqtirsangiz, bu qandolatxona — haqiqiy topilma. Saytda hammasi puxta o‘ylangan: suratlar bor, ta’mlar ham juda yaxshi ta’riflab berilgan.
Dizaynga kelganda har doim fantaziyam tugab qoladi. Shuning uchun tayyor variantlardan birini tanladim. Ichida mevali qatlam, krem va biskvit bor — kamdan-kam pand beradigan klassika.
Rasmga olishga ulgurmadim: tug‘ilgan kun egasini tabriklashimiz bilan bento qoshiqchalar hujumiga uchradi. Shuning uchun saytdagi rasmini qo‘ya qoldim, va bu uning shirin bo‘lganining eng yaxshi isboti.
Narxi: 190 000 so‘m
Nima yoqdi:
THE BAKERY by Teppanyaki
Ishlaydigan ayol sifatida rostini aytamanki, ovqat va tayyor shirinliklarni yetkazib berish xizmati — mening qutqaruvchim. Yaqinda birinchi marta bento-tortni Yandex Taom orqali buyurtma qildim. Bu shunchalik oson va tez bo‘ldiki, hanuzgacha hayratdaman. Ilovada darrov pastel, yorqin, quvnoq rangli turliсha dizaynlar ko‘zimga tashlandi. Klassikadan tortib memlargacha — hammasi bor ekan.
O‘sha kuni dugonam uyda xafa bo‘lib o‘tirgani uchun kayfiyatini ko‘tarishni xohladim. Yoqimli rasmli, vanil-qulupnay nachinkali bentoni tanladim. Dugonamning manzilini kiritdim, kuryer tortni to‘g‘ridan-to‘g‘ri uyiga olib bordi, men esa hammasini AVO platinum kredit kartam bilan onlayn to‘ladim, yana keshbek ham oldim. Shunday qilib kam vaqt sarflab, dugonamning kayfiyatini ko‘tardim. Rasmini saqlab qolmadim, shaxsiy masala edi.
Dugonam tort yangi va mazali bo‘lganini aytdi.
Narxi: 185 000 so‘m
Nima yoqdi:
Pastda hamkasbim yuborgan rasmni joylayman 😉
Muallif: Anna Sheremetyeva
Balloon Bar
Oyim Moskvada yashaydi, va har doim ham uning tug‘ilgan kunini birga nishonlashning iloji bo‘lavermaydi. Lekin bu yil Toshkentga uchib keldi, va aynan 00:00 da tabriklashni juda xohladim. Instagramda doim bento-tortlar chiqaverardi, Balloon Bar’ning dizaynlari yoqib qoldi.
Bu g‘oya xayolimga kech kelgani uchun atigi 1 kun oldin buyurtma qildim. Yaxshi ham, ularning Instagramida konstruktor bor: diametrni, nachinkani, bezagini o‘zingiz tanlaysiz. Biz ikki kishi edik, shuning uchun eng kichigini — 10 sm ligisini tanladim. Ularning hamma bento-tortlari krem-chizda bo‘lar ekan, men ekzotik mangolisini tanladim (bu nachinka uchun 30 ming ko‘proq to‘ladim). Oyimning bolaligida Mumiy-troll kitobini yaxshi ko‘rar edi, shuning uchun Mumi-mama referensini topdim. Buyurtmaga yana yurak va yulduz shaklidagi yorqin qizil folgali sharlarni ham qo‘shdim.
Hammasini o‘z vaqtida olib kelishdi. Oyim meni keyingi kuni tabriklaydi deb o‘ylagandi, shuning uchun syurpriz zo‘r chiqdi. Mumi-mamani qoyilmaqom qilib chizishgani juda yoqdi, tortning o‘zi ham shirin chiqdi.
Narxi: diametri 10 sm lik tort — 180 000 so‘m. Qo‘shimcha narsalar alohida to‘lanadi.
Nima yoqdi:
Endi har bir qandolatxonadagi tortlarni solishtiramiz:
Qandolatxona | Narxi | Qanday buyurtma qilinadi | Yoqimli jihati |
|---|---|---|---|
THE DESSERT | 250 000 so‘mdan | Onlayn va oflayn | Mijozning oldida bezatishadi |
ZIRA bakery | 180 000 dan 220 000 gacha | Onlayn | Qulay sayt |
COOK BOOK | 190 000 so‘mgacha | Onlayn | Juda ham qulay sayt |
THE BAKERY by Teppanyaki | 185 000 dan 480 000 gacha | Yandex Taom | Tayyor dizaynlarning ko‘pligi |
Balloon Bar | 150 000 dan 580 000 gacha | Onlayn | Tortning kattaligini tanlasa bo‘ladi — 10 dan 20 sm gacha. Shar va gullar ham buyurtma qilish mumkin |
*Maqolada keltirilgan ma’lumotlar saytga joylashtirilgan vaqt uchungina amal qiladi: fikrlar muallifning shaxsiy qarashlarini aks ettiradi va AVO bank'ning rasmiy nuqtayi nazariga mos kelmasligi mumkin. Bank havola qilingan tashqi manbalar uchun mas’uliyatni zimmasiga olmaydi, ko‘rsatilgan narxlar esa taxminiy xarakterga ega. Qaror qabul qilishdan oldin eng so‘nggi ma’lumotlar bilan tanishib chiqishni tavsiya qilamiz.
AVO ilovasini yuklab oling
Barcha bank xizmatlari va operatsiyalari 24/7 sizning smartfoningizda
