Shunaqasi ham bo’lib turadi: haftalab qidirasiz, taqqoslaysiz — va puf! — o’zingizga yoqadigan narsani topasiz. Lekin kartada: «Kechirasiz, mablag‘ yetarli emas». Endi savol tug‘iladi: qayerdan pul topish mumkin? Bank sizga 2 yo‘l taklif qiladi — naqd pullik kredit yoki kredit karta.
Dastlab qaraganda, katta farq yo‘qdek tuyuladi. Lekin bu xuddi taksi bilan shaxsiy elektrosamokat orasidagi tanlovga o‘xshaydi: ikkalasi ham sizni manzilga yetkazadi, lekin tezlik, qulaylik va boshqaruv — mutlaqo boshqacha.
Naqd kredit — bu kerakli summani bittada olish
Aytaylik, sizga 30 mln so‘m kerak — remont uchun. Ariza topshirasiz va bank sizga to’liq summani bittada o‘tkazadi. Keyin siz uni belgilangan jadval asosida, masalan, har oyda 1,7 mln so‘mdan qaytara boshlaysiz. Foiz stavkasi va oylik to‘lov oldindan ma’lum.
Sizga qancha pul kerakligini aniq bilganingizda va katta xarid qilishni rejalashtirganingizda, bu variant sizga mos keladi. Ya’ni summa katta va bir martalik bo‘lsa — bu, aynan, naqd pullik kredit olish kerak degani.
Lekin e’tiborli bo’ling: siz pulni hammasini darhol ishlatmasangiz ham, uni bittada olasiz. Ya’ni, mas’uliyat ham birinchi kundan boshlanadi.
Kredit karta — bu ko‘proq moslashuvchanlik haqida
Kredit kartada hammasi boshqacha ishlaydi. Sizda limit bo‘ladi — masalan, 10 mln so‘m. Lekin bu pulni birdaniga sarflash shart emas. Bir million so’m ishlatsangiz — shuncha miqdorda qarzingiz bo’ladi. Pulni qaytarasiz va yana limitdan foydalanishda davom etasiz.
Asosiysi — imtiyozli davr. Agar sarflangan summani shu davr ichida (odatda 55–60 kun) qaytarsangiz — foizlar olinmaydi. Kichik xarajatlar uchun va tezda qaytarishingizga ishonchingiz komil bo‘lsa — bu juda qulay variant.
Kredit kartada aniq to‘lov jadvali yo‘q. Qachon va qancha to‘lashni siz hal qilasiz — muhimi: qarzni bittada yopa olmasangiz, minimal to’lovlar qilib turishni unutmang.
Keling, kredit va kredit kartani taqqoslaymiz:
Xususiyatlar | Naqd pullik kredit | Kredit karta |
|---|---|---|
Pul olish shakli | Pul qo‘lga beriladi | Kartada kredit limiti bo’ladi |
Qayta foydalanish | Faqat bir marta | Limit har oy yangilanadi |
Foiz stavkasi | Yiliga 19–38% | Yiliga 20–52% |
To‘lov tartibi | Pul olingan zahoti boshlanadi | Keyinroqqa qoldirish yoki kam-kamdan to’lab borish mumkin, 60 kungacha imtiyozli davr mavjud |
Bonuslar | Yo‘q | Keshbek, chegirmalar, bonuslar |
Kredit miqdori | 1 mlrd so‘mgacha | 1 mlrd so‘mgacha |
Rasmiylashtirish tezligi | Bir necha soatdan bir necha kungacha | Tez, ayniqsa tayyor kartangiz bo’lsa |
Komissiyalar | Rasmiylashtirish uchun komissiya bo‘lishi mumkin | Naqd pul yechish yoki o‘tkazmalar uchun komissiya bo‘ladi |
Bir necha klikda moliyaviy yordam oling
AVO platinum oching va har qanday xaridlar uchun 50 milliongacha oling
Qay birini tanlagan yaxshi?
Qachon naqd pullik kredit olish kerak?
Agar katta xarid rejalashtirayotgan bo‘lsangiz — uyni ta’mirlash, avtomobil sotib olish va h. k. — naqd pullik kredit sizga mos keladi. Bundan tashqari, agar sizga aniq to‘lov jadvali va barqaror foiz stavkasi kerak bo‘lsa, bu eng to‘g‘ri tanlov bo‘ladi. Ayniqsa, daromadingiz barqaror bo‘lsa va har oy to‘lov qilish sizga og‘irlik qilmasa.
Qachon kredit kartadan foydalangan foydaliroq?
Agar xaridlaringiz kichik va muntazam bo‘lsa, siz ularni imtiyozli davr mobaynida to‘liq yopishga ulgursangiz — kredit karta foydaliroq. Ayniqsa, agar unda keshbek yoki bonus tizimi bo‘lsa (masalan, AVO platinum kartasida). Bundan tashqari, limitni qayta ishlatish imkoniyati sizga moliyaviy moslashuvchanlikni beradi.
So'zimiz yakunida kichik «shpargalkа»:
Vaziyat | Tanlash kerak |
Katta va aniq xarid uchun | Naqd pullik kredit |
Doimiy va katta bo’lmagan xarajatlar uchun | Kredit karta |
Keshbek va bonuslar kerak bo‘lsa | Kredit karta |
Aniq va oson to‘lov jadvalini yoqtirasizmi | Naqd pullik kredit |
1–2 oyda yopishni rejalashtiryapsiz | Kredit karta |
*Maqoladagi ma'lumotlar nashr etilgan vaqt uchungina amal qiladi. AVO bank ushbu ma'lumotlar kelajakda ham xuddi shunday va dolzarb bo'lib qolishiga kafolat bermaydi. Qaror qabul qilishdan oldin eng so'nggi ma'lumotlarni tekshirishingizni maslahat beramiz.
