Yig‘ilgan pulni saqlabgina qolmay, uni ko‘paytirish usuli bor bo‘lishiga qaramay, ko‘pchilik hali ham pulini foiz va foydasiz, shunchaki kartada saqlayotgani hayron qoldiradi. Gap xavfli investitsiyalar yoki g‘alati sxemalar haqida emas, balki tushunarli va hammabop vosita — bank omonati haqida ketyapti. Lekin uni tavakkal tanlasangiz, atigi bir necha tiyin ishlab olishingiz yoki hatto foydaning bir qismini yo‘qotishingiz mumkin.
Biz oddiy va tushunarli chek-list tayyorladik. Omonatni tanlashdan oldin uni ko‘rib chiqing va shartlar haqiqatan ham siz uchun foydali ekanligiga ishonch hosil qiling.
Turli banklar foizlarini taqqoslang | O‘zbekistonda omonatlar bo‘yicha foiz stavkalari omonat muddati, turi va shartlariga qarab odatda yillik 3% dan 25% gacha (so‘mda) bo‘ladi. Foiz stavkalarini bank.uz saytida taqqoslab ko‘rishingiz mumkin. |
Omonat muddatini tanlang | Omonat muddatini aql bilan tanlang — uzoq muddat har doim ham foydali bo‘lavermaydi. Pul qachon kerak bo‘lishi va Markaziy bank stavkasi qanday o‘zgarishi mumkinligini hisobga oling: agar stavka oshishi kutilsa, 1 yilgacha muddatli, agar pasayish yoki barqarorlik kutilsa, 1 yildan ortiq muddatga omonat ochish maqsadga muvofiq. Ikkilansangiz, 1–3 oylik omonat oching. Asosiysi — omonat muddati maqsadingiz muddatidan oshmasligi kerak. |
Pul qo‘yish va yechib olish shartlarini tekshiring | Ba’zi omonatlarga ularni ochgandan keyin pul qo‘shib bo‘lmaydi, boshqalaridan esa muddat tugamaguncha pul yechib olish mumkin emas. Agar omonatni muntazam ravishda to‘ldirib borishni rejalashtirgan bo‘lsangiz (masalan, oylik maoshdan), to‘ldirish imkoniyati mavjud omonatni tanlang. Agar moslashuvchanlik kerak bo‘lsa, foizlarni yo‘qotmasdan qisman pul yechib olish imkoniyatiga ega omonatni qidiring. |
Foizlar kapitalizatsiyasini baholang | Kapitalizatsiya — bu hisoblangan foizlarning asosiy summangizga qo‘shilib, keyingi foizlar shu yangi umumiy summadan hisoblanadigan jarayon. Agar shartlarda «oylik kapitalizatsiya» iborasini ko‘rsangiz, bu ijobiy belgi hisoblanadi. |
Minimal omonat summasini bilib oling | Turli banklarda boshlang‘ich summa sezilarli darajada farq qilishi mumkin: ba’zi joylarda 1 000 so‘mdan boshlanadi, boshqalarida esa darhol 1 mln so‘m qo‘yishni so‘rashadi. Shuning uchun omonat ochishdan oldin qancha pul qo‘ya olishingizni yaxshilab o‘ylab ko‘ring. |
Bank ishonchliligini tekshiring | Bankning O‘zbekiston Respublikasi MB litsenziyasiga egaligini; omonatlarni kafolatlash jamg‘armasida ishtirok etishini (200 mln so‘mgacha bo‘lgan omonatlar davlat tomonidan kafolatlanadi); ijobiy fikrlar va qulay mobil ilovaga ega ekanligini (agar barcha amallarni onlayn bajarmoqchi bo‘lsangiz) albatta tekshirib chiqing. Bularning barchasi muhim ahamiyatga ega. |
Qo‘shimcha bonuslarga e’tibor bering | Ba’zi banklar omonat bilan birga bepul debet kartasi, mobil ilova orqali omonat ochganda yuqori foizlar, sovrinli o‘yinlar va aksiyalarni taklif qiladi. Kichik, lekin yoqimli bonus 😊 |
AVO omonati chek-listi
Daromad | yillik 25% gacha |
Muddat | 6 oy |
Pul qo‘yish | istagan vaqtda |
Pul yechish | cheklovlarsiz |
Kapitalizatsiya | har oy |
Minimal summa | 1 000 so‘mdan |
Ishonchlilik | omonat davlat tomonidan 200 mln so‘mgacha sug‘urtalangan. |
AVO omonatini hoziroq oching!
Yillik 25% gacha daromad — bankka bormasdan va xavfsiz
*Maqoladagi ma'lumotlar nashr etilgan vaqt uchungina amal qiladi. AVO bank ushbu ma'lumotlar kelajakda ham xuddi shunday va dolzarb bo'lib qolishiga kafolat bermaydi. Qaror qabul qilishdan oldin eng so'nggi ma'lumotlarni tekshirishingizni maslahat beramiz.
*Maqolada tashqi resurslarga havolalar keltirilgan. AVO bank tashqi resurslardagi ma'lumotlar uchun javobgarlikni o'z zimmasiga olmaydi.
