Pulni sovuqqonlik bilan boshqarasizmi yoki yuragingiz amriga bo‘ysunasizmi? 5 ta savolga javob bering va moliyaviy mantig‘ingiz qanday ishlashini bilib oling: avtomatik tarzda, aniq strategiya asosida yoki kayfiyatga qarab.
Ehtiyot bo‘ling: kutilmagan moliyaviy xulosalarga duch kelishingiz mumkin.
ТEST
1. Do‘kondasiz. Sotib olishni rejalashtirmayotgan mahsulotingizga «3 tasi 2 tasining narxida» aksiyasi amal qilyapti. Xayolingizga kelgan birinchi fikr qanday?
а) «Qiziq… aslida qanchaga tushgan bo‘lardi?»
b) «Olish kerak, qachondir kerak bo‘lib qoladi!»
d) «Bu tuzoq. Kim kamroq olish uchun ko‘proq to‘laydi?»
2. Sizda 3 ta moliyaviy superkuchdan 1 tasini tanlash imkoniyati bor. Qaysi birini tanlaysiz?
a) Ko‘r-ko‘rona investitsiya qilish va deyarli har safar foyda ko‘rish mahorati
b) Foydali bitimni tuzoqdan 3 soniyada farqlay olish qobiliyati
d) Kayfiyatingiz yomon paytlarda ham behuda narsalarga pul sarflamaslik ko‘nikmasi
3. Tasodifan unutilgan hisobvarag‘ingizda 1,5 mln so‘m topib oldingiz. Nima qilasiz?
а) Valyutaga aylantirib, yana 1–2 yilga esdan chiqaraman
b) Anchadan beri orzu qilgan narsaga sarflayman — bu aniq ishora
d) 3 qismga bo‘laman: ⅓ omonatga olib qo‘yaman, ⅓ o‘zimga sarflayman, ⅓ — xayriya/sovg‘a qilaman
4. Agar pul inson bo‘lganida, u qanday bo‘lardi?
а) Biroz sovuqqon, lekin hisob-kitob ustasi
b) Ayyor vasvasachi — o‘ziga tortadi, lekin pand berishi mumkin
d) Bebosh do‘st: yoningizda bo‘lganida xursandchilik hukm suradi, lekin tez g‘oyib bo‘ladi
5. Katta xariddan keyin o‘zingizni qanday his qilasiz?
а) Mamnunlik — hammasi nazorat ostida
b) Vahima — boshqa yaxshiroq variant bo‘lganmikin?
d) Xursandchilik va afsuslanish aralashmasi — chiroyli, lekin og‘riqli
NATIJALAR
Ko‘proq А
Siz Skruj Makdaksiz
Moliyaviy IQ darajangiz — 95/100
Strateg, ratsional, jamg‘armalar ustasisiz. Pulni sanashni, uni saqlashni va ko‘paytirishni bilganingiz uchun u sizni hurmat qiladi. Siz xasis emassiz, shunchaki tartibli odamsiz!
Daholarcha javob bering
AVO platinum bilan pulingizni oson boshqaring
Ko‘proq B
Siz Vinni Puxsiz
Moliyaviy IQ darajangiz — 60/100
«Asal hozir bo‘lsa bo‘ldi, keyini bilan ishim yo‘q» tamoyili bo‘yicha yashaysiz. Kutilmagan qarorlar qabul qilish — ham superkuchingiz, ham zaif tomoningiz. Moliyaviy rejalashtirish? Qayerdadir eshitganman, lekin hali qo‘l urganim yo‘q.
Ko‘proq D
Siz Bazz Laytersiz
Moliyaviy IQ darajangiz — 75/100
Siz moslashuvchan o‘yinchisiz. Ba’zan oqilona qarorlar olamiga parvoz qilasiz, ba’zan esa «voy, o‘zimni tutolmadim» degan jar yoqasiga kelib qolasiz. Sezgingiz yaxshi, lekin strategiyangiz yetarli emas.
*Maqoladagi ma'lumotlar nashr etilgan vaqt uchungina amal qiladi. AVO bank ushbu ma'lumotlar kelajakda ham xuddi shunday va dolzarb bo'lib qolishiga kafolat bermaydi. Qaror qabul qilishdan oldin eng so'nggi ma'lumotlarni tekshirishingizni maslahat beramiz.
*Maqoladagi fikr — muharrirning shaxsiy fikri bo'lib, u AVO bank pozitsiyasini ko'rsatmaydi. Bank ma'lumotlar to'g'riligi va undan foydalanish oqibatlari uchun javobgarlikni o'z zimmasiga olmaydi.
