Банк соҳасида рақамлар ва алгоритмлар катта аҳамиятга эга, лекин энг муҳими — улар ортида жараёнларни тўғри тушуниш туради. Шу тамойилга асосланиб, AVO bank ўзининг қарз ундириш тизимини расмиятчилик учун эмас, балки ҳақиқий натижа учун тўлиқ аудитдан ўтказишга қарор қилди.
Бу жараёнда молия секторини рақамлаштиришига ихтисослашган HiveTech компанияси мустақил эксперт сифатида иштирок этди. Мақсад фақат жараёнларни текшириш эмас, балки уларга тирик организм сифатида қараш эди. Яъни тизимнинг максимал ишлаши қаерда-ю, самарасизликка дуч келаётган нуқталари қаердалигини аниқлаш эди.
Янгича ёндашув
Янги Collection CRM тизимини ишга туширишдан олдин AVO bank жамоаси жараёнлар, мантиқ ва маълумотлар нуқтаи назаридан қарздор мижознинг йўлини қайта кўриб чиқишга қарор қилди.
HiveTech билан ўтказилган аудит бизга ривожланишнинг асосий нуқталарини кўриш ва яхшиланиш бўйича аниқ йўл харитасини ишлаб чиқиш имконини берди. Бу шунчаки ҳисобот эмас, балки қарз ундириш стратегиясини янги босқичга олиб чиқишга ёрдам берадиган ҳақиқий восита. Бизнинг жамоа учун бу “тизимни таъмирлаш” эмас, балки унинг нега айнан шундай ишлаётганини англаш ва ҳар бир технология банкнинг мослашувчан, илғор ва мижоз учун қулай бўлиш қобилиятини кучайтиришини бир йўли эди.
Жараён ичида нималар бор эди
HiveTech аудити қарз ундириш самарадорлигига таъсир этувчи барча омилларни қамраб олди: IT-инфратузилма ва тизимлар ўзаро ҳамкорлиги, ҳисобот ва таҳлил жараёнлари, колл-марказ фаолияти ва мулоқот сифати. Шунингдек, ходимларни ўқитиш ва назорат қилиш жараёнлари, skiptrace — мижозларнинг контакт маълумотларини излаш ва янгилаш жараёнлари ҳам ўрганиб чиқилди.
Тадқиқот усуллари журналистик суриштирувни эслатди: бизнес-оунерлар билан интервью, скриптлар таҳлили, “яширин кузатувлар” ва тест қўнғироқлар амалга оширилди.
Биз фақат муаммоларни қайд этиш билан чекланмадик. Асосий мақсадимиз — ривожланиш траекториясини белгилаб, банкка қайси қадамлар эртанинг ўзида самара беради, қайсилари эса стратегик ёндашувни талаб этади, деган масалада аниқ йўналиш бериш эди.
Quick Winsдан стратегияга
Амалга оширилган ишлар натижасида қарз ундириш тизимини такомиллаштириш бўйича йўл харитаси ишлаб чиқилди. Унда тез самара берадиган “Quick Wins” таклифлари ҳамда банкнинг узоқ муддатли стратегиясига таъсир кўрсатувчи фундаментал ислоҳотлар жой олган.
Бу харита AVO bank ва HiveTech ҳамкорлигида яратилаётган янги Collection CRM тизими учун асос бўлиб хизмат қилади.
Кейинги босқич
Навбатдаги босқичда Hard ва Legal Collection йўналишлари таҳлил қилинади. Бу ерда қарз ундириш тизими нафақат автоматлаштиришни, балки юридик аниқликни ҳам талаб қилади.
Биз HiveTech билан ҳамкорликни давом эттириб, қарз ундириш тизимини ҳар бир босқичда ўлчанадиган, шаффоф ва тўлиқ бошқариладиган даражага етказишни мақсад қилганмиз.
Контекст
AVO bank — Ўзбекистондаги рақамли банкинг бозорининг фаол иштирокчиларидан бири. Банкнинг асосий мақсади — фақат тўлақонли онлайн маҳсулотлар таклиф этиш эмас, балки технологиялар ва мижоз қулайлигини уйғунлаштирган замонавий молиявий сервис яратишдир.
HiveTech — IT Park Uzbekistan резиденти, молия секторидаги бизнес жараёнларни автоматлаштиришга ихтисослашган IT-компания. Унинг Hive Platform номли low-code конструктори орқали турли даражадаги мураккаб IT тизимларни тез ва осон яратиш мумкин.
