AVO platinum kartasining ko‘plab afzalliklari va imkoniyatlari bor. Mening eng yoqtiradigan xususiyatlaridan biri — kartani bankka bormasdan, navbatsiz va ortiqcha ovora bo‘lmasdan, to‘g‘ridan-to‘g‘ri kartomatdan olish imkoni. Sizlarga buni qanday amalga oshirishni tushuntirib beraman.
1-qadam: ilova va identifikatsiyalash
Kartani olish uchun avval uni buyurtma qilish kerak. Buning uchun, birinchi navbatda, ilovani yuklab olish lozim — uni Google Play Market yoki App Store’dan topish mumkin. Ilova o‘rnatilgandan so‘ng, tezda ro‘yxatdan o‘tib, barcha takliflarni qabul qilish kerak.
Ilova SMS orqali kelgan kodni kiritishni va to‘rt raqamli PIN-kod o‘ylab topishni so‘raydi. Agar smartfoningiz Face ID yoki Touch ID texnologiyalarini qo‘llab-quvvatlasa, har safar PIN-kod kiritish o‘rniga ular orqali kirishni darhol sozlash mumkin.
Keyingi qadam — shaxsni identifikatsiya qilish. Bu jarayon uchun pasport yoki ID-karta kerak bo‘ladi, aks holda AVO sizga karta chiqara olmaydi. Shuning uchun bosh ekranda «Shaxsni tekshirish» bo‘limini topib, tarif va shartlarni tanlaymiz, ariza beramiz va kerakli ma’lumotlarni kiritamiz.
Identifikatsiya atigi bir necha daqiqa davom etadi va u yakunlangach, darhol AVO platinum virtual kartasini bepul olasiz.
2-qadam: plastik kartani buyurtma bering va olib keting
Asosiy ekranga qaytib, «Karta buyurtma qilish» tugmasini bosamiz. So‘ngra buyurtmangiz uchun to‘lovni amalga oshirib, karta tayyor bo‘lguncha kutish kerak.
Shundan so‘ng, kartani o‘zingiz olib ketish nuqtasini — sizga eng yaqin AVO kartomatini tanlashingiz mumkin. Ularning joylashuvini AVO veb-saytida ham ko‘rishingiz mumkin.
Keyin o‘zimizga qulay bo‘lgan kartomatni topib, uning oldiga boramiz va ekrandagi «Kartani olish» tugmasini bosamiz. Qolgan ish juda oson: AVO ilovasi orqali ekrandagi QR-kodni skanerlasangiz, kartomat bir necha daqiqada kartangizni chiqarib beradi. Tushunarliroq bo‘lishi uchun quyidagi video-yo‘riqnomani ko‘rishingiz mumkin: AVO platinum kartasini kartomatdan qanday olish mumkin?
