2025-yilda O‘zbekistonda bank kartasini to‘ldirishning turli usullari mavjud va har kim o‘ziga eng qulay variantni tanlashi mumkin. Kimdir bankomat orqali pul qo‘yishga o‘rgangan, boshqalar mobil ilova ishlatishga odatlangan, ba’zilar esa faqat bank kassalariga ishonadi. Keling, bu jarayonni qanday xavfsiz va muammosiz amalga oshirish mumkinligini ko‘rib chiqamiz.
Bankomat orqali to‘ldirish
Bu eng ommabop usullardan biri. Kartani bankomatga joylashtirib, PIN-kodni kiritish, «Hisobni to‘ldirish» bo‘limini tanlash va pulni kupyurani qabul qilish joyiga joylashtirish kifoya. Shundan so‘ng, bankomat pulni sanaydi va ekranda hisobga o‘tkaziladigan summani ko‘rsatadi. Operatsiya tugagach, chekni olib, pul hisobingizga tushganini tekshirib qo‘yish kerak.
Bankomatlarning asosiy afzalligi — ular 24/7 ishlaydi. Ammo ba’zan shoshilinch vaziyatda yaqin atrofda bankomat topish qiyin bo‘lishi mumkin, shuningdek, qurilmalar eskirgan yoki yirtilgan kupyuralarni qabulmaydi.
Mobil ilova orqali to‘ldirish
Agar qo‘lda naqd pul bo‘lmasa, mobil ilova orqali pul o‘tkazish eng tezkor va qulay usul bo‘lishi mumkin. Bugungi kunda deyarli har bir bankning o‘z mobil ilovasi bor, masalan, AVO ilovasi. Agar bir nechta kartangiz bo‘lsa, to'lov tizimlaridan ham foydalansangiz bo‘ladi. Buning uchun ilovani ochish, pul o‘tkazmasi bo‘limiga o‘tish, karta raqami va summani kiritish yetarli. Pul darhol qabul qiluvchining hisobiga tushadi. Bu usul ayniqsa oila a’zolariga pul jo‘natish yoki onlayn xaridlarni to‘lash uchun juda qulay.
Bank kassasi orqali to‘ldirish
Ba’zi odamlar hali ham ushbu klassik usulni afzal ko‘rishadi. Ayniqsa, katta miqdorda pul qo‘yish kerak bo‘lganda yoki bankomatlardan foydalanish imkoniyati bo‘lmaganda, bu usul ishonchli hisoblanadi. Buning uchun bank bo‘limiga borib, operatorga karta raqamini aytib, pulni topshirish kifoya.
Lekin bu usulning asosiy kamchiligi — bankka borish va navbat kutish kerakligi. Uyda divanda yotib, sevimli serialni ko‘rib dam olish bundan ancha yoqimliroq emasmi?
Har doim «ha» deydigan kredit kartasi!
AVO platinum bilan barcha istaklaringizga 50 million so‘mgacha oling
Xavfsizlik bo‘yicha tavsiyalar
Qaysi usul tanlanishidan qat’i nazar, xavfsizlik har doim ustuvor bo‘lishi kerak. PIN-kod va karta ma’lumotlarini hech qachon begonalarga oshkor qilish mumkin emas. Bankomatdan foydalanganda, unda shubhali qurilmalar yo‘qligini tekshirish lozim. Har qanday to‘lov yoki pul o‘tkazmasidan keyin chekni saqlab qo‘yish foydali bo‘lishi mumkin, chunki ba’zan pul darhol hisobga tushmasligi ehtimoli bor.
Xulosa
Har kim o‘ziga qulay usulni tanlaydi: kimdir har doim mobil bankingdan foydalanadi, boshqalar bankomatlar orqali to‘ldirishga odatlangan, ba’zilar esa faqat bank kassasiga ishonadi. Muhimi, barcha operatsiyalar xavfsiz va muammosiz o‘tishi kerak.
