Shu shanbada bizning CMO Maksim Chan We Digital Agency va ALPHA tashkillashtirgan munozarada ishtirok etdi.
Maksim Channing so‘zlariga ko‘ra, inflyuenserlar oddiy tashviqot bilan cheklanmasdan, borgan sari qiyinroq muammolarga yechim topishmoqda. Ular foydalanuvchilarga mahsulotni tushunishda yordam berishyapti, brendga nisbatan ishonch uyg‘otib, uni taniqliligini oshirishyapti. Bu esa uzoq muddatli natijalar va mijozlar sodiqligining oshishiga xizmat qilmoqda.
O‘zbekistonda inflyuens-marketing tobora o‘sib bormoqda: brendlar endi faqat qamrov emas, balki mahsulotga ishonch va uni tushunishga qo‘shilgan hissani qadrlashmoqda.
Shuningdek, narx belgilash tamoyillari ham o‘zgaryapti — ilgari ko‘proq ichki sezgi bilan ishlashgan bo‘lsa, hozirda shaffoflik va asosli yondashuvga e’tibor kuchaymoqda.
