Tasavvur qilaylik, telefoningiz to‘satdan sinib qoldi, ish haqingiz esa faqat 5 kundan keyin tushadi. Yoki siz ajoyib chegirmadagi aviachiptani ko‘rib qoldingiz, lekin hisobingizda yetarli mablag‘ yo‘q. Aynan shunday vaziyatlarda bir zumda chiqariladigan kredit karta yordamga keladi. Bunday kartani atigi bir necha daqiqada rasmiylashtirib, darhol undan foydalansangiz bo‘ladi — onlayn do‘konlarda ham, oddiy savdo nuqtalarida ham.
Keling, bu karta nima ekanligini, qanday afzalliklari borligini va uni qanday qilib rasmiylashtirish mumkinligini ko‘rib chiqamiz.
Bu qanday karta?
Aslida, bu oddiy kredit karta, faqat u sizdan uzoq vaqt kutishni talab qilmaydi. Siz bankning ilovasini yuklab olasiz, kerakli ma’lumotlarni kiritasiz va hujjatlaringiz hamda kredit tarixingiz talabga javob bersa, karta darhol tayyor bo‘ladi. U orqali xaridlarni bir zumda amalga oshirish mumkin.
Bunday kartaning afzalliklari nimada?
Birinchidan, tezlik. Ortiqcha gap-so‘zsiz: arizadan to karta faollashgunicha bor-yo‘g‘i bir necha daqiqa o‘tadi.
Ikkinchidan, uni olish uchun odatda O‘zbekiston fuqarosi bo‘lish, doimiy propiskaga ega bo‘lish va 18 yoshdan katta bo‘lish kifoya. Ba’zan daromad to‘g‘risidagi ma’lumotnoma ham talab qilinmaydi.
Uchinchidan, moslashuvchanlik. Kredit limiti miqdori odatda sizning moliyaviy holatingizga qarab belgilanadi va u 50 mln so‘mdan 100 mln so‘mgacha yetishi mumkin. Agar mablag‘ni ishlatmasangiz, u shunchaki hisobingizda qolaveradi.
Shuningdek, kredit kartalarda ko‘pincha imtiyozli davr ham bo‘ladi. Bu davr mobaynida siz bank mablag‘idan bepul foydalanishingiz mumkin. Agar pulni vaqtida qaytarsangiz — ortiqcha foiz to‘lamaysiz.
Bundan tashqari, ko‘plab kartalar qo‘shimcha bonuslar va keshbek ham taklif qiladi. Masalan, AVO platinum kartasi kredit limiti orqali amalga oshirilgan birinchi xariddan 100% bonus qaytaradi, keyingi xaridlar uchun esa 1% miqdorida bonus yig‘iladi. To‘plangan bonuslarni haqiqiy pulga almashtirib, keyin yana xaridlar uchun ishlatishingiz mumkin.
Kartani qanday ochish mumkin?
Karta olish jarayoni juda soddalashgan. Ilovaga kirib, ariza topshirasiz, kerakli hujjatlarni yuklaysiz — va bir necha daqiqada virtual karta tayyor bo‘ladi.
Agar ishingiz rasmiy va bank bilan kredit tarixingiz ijobiy bo‘lsa, katta ehtimol bilan kartangiz tezda tasdiqlanadi. Qaror tezda qabul qilinadi, shartlar esa sizning daromadingiz va kredit tarixingizga bog‘liq bo‘ladi.
AVO platinum kredit kartasini bir necha soniyada rasmiylashtiring
Ilovada virtual kartani oching va istalgan xaridlar uchun 50 mln so‘mgacha limitga ega bo‘ling
Kartadan to‘g‘ri foydalanish bo‘yicha maslahatlar
Kartadan maksimal darajada foyda olish uchun bir nechta oddiy qoidalarga rioya qilish kerak. Eng asosiysi — imtiyozli davr ichida qarzni to‘liq yopish. Shunda bankka ortiqcha to‘lov qilmasdan foydalanish mumkin.
Shuningdek, bonuslar va keshbeklarni kuzatib boring. Ular abadiy emas — vaqtida ishlatilmasa, «kuyib» ketishi mumkin. Ammo barchasini o‘z vaqtida bajarsangiz — kundalik xarajatlarda sezilarli tejamkorlikka erishasiz.
Xulosa
Agar sizga moliyaviy erkinlik kerak bo‘lsa, xarajatlaringizni nazorat qila olsangiz va bank navbatlariga vaqt sarflashni xohlamasangiz, bir zumda chiqariladigan kredit karta aynan siz uchun. U zarur mablag‘ni stressiz va ortiqcha qog‘ozbozliksiz olishga yordam beradi.
Asosiysi — undan oqilona foydalanish. Qarzdorlikni o‘z vaqtida yopish, ortiqcha qarz yig‘maslik va kartani o‘z ehtiyojlaringizga moslab tanlash muhim. Shunda karta ortiqcha xarajatlar manbaiga emas, balki qulay moliyaviy asbobga aylanadi.
