Robot-changyutgichlarga uzoq vaqt ishonchsizlik bilan qaradim. Ularning burchaklarga yetib bormay qolishi, stul oyoqlari atrofidagi axlatni qoldirishi va doim divan tagida yo‘qolib qolishi haqida juda ko‘p eshitgandim. Lekin vaqt o‘tgan sari tozalashga vaqtim yo‘qligi, uyni esa asta-sekin chang bosib ketayotganini sezdim. Ayniqsa, uyda bolalar, uy hayvonlari va oq tokchalar bo‘lgani bunga qo‘shimcha bo‘ldi. Shunday qilib, nimaga pul to‘lash kerakligini tushunish maqsadida robot-changyutgichlar mavzusiga jiddiy kirishib ketdim.
Endi sizlarga dastlabki ikki tozalashdan keyin hafsalangizni pir qilmaydigan changyutgichni qanday tanlash, nimalarga e’tibor qaratish kerakligi va nima uchun arzon modellar ko‘pincha to‘ydagi mehmonlar kabi shovqini ko‘p-u, nafi kam bo‘lishi haqida batafsil tushuntirib beraman.
Uy toza bo‘lishi yoki bo‘lmasligi cho‘tkaga bog‘liq
E’tibor qaratish kerak bo‘lgan birinchi narsa — cho‘tkalarning tuzilishi. Ular juda xilma-xil bo‘lib, robotning divan ostidagi ushoqlarni tozalay olishi yoki gilamdagi barcha sochni yig‘ib olishi aynan shularga bog‘liq.
- Turbocho‘tka (cho‘tka + silikon) — gilamni yaxshi tozalaydi-yu, lekin sochlarni gilam bo‘ylab yoyib tashlaydi. Agar uyingizda momiqqina mushuk yoki uzun sochli kimdir bo‘lsa, keyinchalik bu sochlarni qaychi bilan qirqib, yig‘ib olishingizga to‘g‘ri keladi.
- Rezina g‘altak — toza, shovqinsiz, sochlarni yoyib tashlamaydi. Laminat, kafel va silliq pollarni yaxshi tozalaydi. Agar g‘altaklar ikkita bo‘lib, turli tomonga aylansa — yana ham yaxshi.
- Gibrid — silikon yaproq va o‘rtasida axlatni so‘rib oladigan kanalli cho‘tka. Bunday moslama ham gilamlarni tozalaydi, ham sochlar bilan kurashadi. Roborock’da ko‘rganimda, takomillashgan cho‘tka kuchning yarmini tejashi mumkinligini tushundim.
Quvvat faqat raqamlar bilan o‘lchanmaydi
Quvvat qancha yuqori bo‘lsa, shuncha yaxshi, shunday emasmi? Yo‘q... aslida unday emas.
Ishlab chiqaruvchilar «4000 Pa» yoki «6000 Pa» deb ko‘rsatishni yaxshi ko‘rishadi, lekin ichki tuzilma kuchsiz bo‘lsa, quvvatdan foyda yo‘q. Bu xuddi havo sharini puflab, og‘zini berkitib qo‘yganga o‘xshaydi — havo baribir chiqmaydi.
Men quyidagi xulosaga keldim:
- Agar polingiz silliq, gilamsiz bo‘lsa — 2500–3000 Pa bemalol yetadi.
- Agar gilam yoki gilam qoplama ko‘p bo‘lsa – 5000 Pa va undan yuqorisi kerak bo‘ladi.
Eng muhimi, faqat raqamlargagina emas, balki cho‘tkalar, filtrlash, harakat yo‘nalishi — hamma narsa birgalikda qanday ishlashiga e’tibor qaratish kerak.
Robot 2 soat davomida devorga urilib turmasligi uchun navigatsiya muhim
Boshida u shunchaki uy bo‘ylab yurayotgandek tuyuladi. Lekin javon yonida axlat uyumi yig‘ilib turgan bo‘lsa-da, robot 1 joyni qayta-qayta tozalayotganini ko‘rganingizda, aqlliroq robotlarning qadriga yeta boshlaysiz.
Ular shartli ravishda quyidagi turlarga bo‘linadi:
- Navigatsiyasiz — tartibsiz burchaklarga urilib yuraveradi. Faqat kichik studiya uylarga mos keladi.
- Giroskopli — to‘g‘ri yuradi-yu, lekin tez-tez adashib qoladi.
- Lidarli — minora o‘rnatib, xonani skanerlaydi va xarita tuzadi. Bu aniq keyingi darajadagi texnologiya.
- Kamerali — simlar, paypoqlar, o‘yinchoqlar kabi narsalarni taniy oladi. Mushuk idishini aylanib o‘tib, suvni to‘kmasdan harakatlanishi mumkin.
Men lidarli modelni tanladim va haqiqatan ham farqni sezdim: u tizimli tarzda harakatlanadi, hech narsani unutmaydi va behuda u yoqdan bu yoqqa yurmaydi.
Nam tozalashni uddalay oladimi
Bu yerda quti ustidagi yozuvga aldanib qoldim. Ko‘plab changyutgichlar qutisida «nam tozalash funksiyasi bor» deb yozilgan bo‘lsa-da, aslida shunchaki nam lattani sudrab yurishadi.
O‘zim shunday xulosaga keldim:
- Oddiy latta — changni artadi, lekin dog‘ni ketkazmaydi.
- Vibroshvabra — biroz ishqalaydi, lekin bosimi baribir yetarli emas.
- Aylanuvchi moplar — bu boshqa gap. Ayniqsa changyutgich ularni stansiyada o‘zi yuvsa, ular polni yaxshilab ishqalab tozalaydi.
Lattani o‘zi yuvib, quritadigani — eng zo‘r robot. Agar uyingiz katta bo‘lsa va qo‘lda yuvishni xohlamasangiz – shu variantga e’tibor bering.
Xizmat ko‘rsatish: qo‘lingiz bilan qancha ish qilishga tayyorsiz?
Ochig‘ini aytganda, stansiyasiz ko‘p changyutgichlar parvarish talab qiladi: har tozalashdan keyin idishni bo‘shatish, lattani yuvish, suv quyish va to‘kish kerak bo‘ladi...
O‘z-o‘zini tozalaydigan stansiyali modellar esa — boshqa gap. Chang va axlatni o‘zi qopga to‘kadi, siz esa o‘sha qopni oyda bir marta axlatga tashlashingiz kerak bo‘ladi, xolos. Yana lattani o‘zi yuvadigan, quritadigan, hatto suv quvuriga ulanadigan turlari ham bor (behazil, tanishlarimnikida ko‘rganman).
Hozircha eng zamonaviy model uchun pul to‘lashga tayyor emasman, lekin chang yig‘gich o‘rniga oddiy qop bo‘lishi ham ishimni ancha yengillashtirdi.
O‘zbekistonda robot-changyutgichlar qancha turadi
Narxi | Imkoniyatlari |
2 mln so‘mgacha | oddiy modellar gilamsiz kichik uyga mos keladi |
2–3,5 mln so‘mgacha | navigatsiya va asosiy nam tozalash imkoniyatlariga ega, lekin stansiyasi yo‘q |
4–6 mln so‘mgacha | maqbul muvozanat: sifatli tozalash, yuqori quvvat va minimal aralashuv |
7+ mln so‘m | kameralar, moplar, stansiya va deyarli to‘liq mustaqillikka ega bo‘lgan modellar |
10+ mln so‘m | suv quvuriga ulanadigan va tozalash kompaniyasi kabi tozalaydigan flagman modellar |
Muddatli to‘lov va foizlarsiz sotib oling
AVO platinum hoziroq 100 mln so‘mgacha beradi
Keyin afsuslanmaslik uchun tanlayotganda nimaga e’tibor berish kerak
- Polingizga qarang: plitka bo‘lsa — g‘altakli, gilam bo‘lsa — cho‘tkalisini tanlang.
- Nam tozalash kerak yoki yo‘qligiga qarang. Agar kerak bo‘lsa, mopli modelni tanlang.
- Navigatsiyani o‘rganishga erinmang — lidar va kameralar sezilarli ustunlik beradi.
- Kamroq ovora bo‘lishni istasangiz, stansiyali modelni tanlang.
- Nomsiz modellarni tanlamang. Keyinchalik ularga na qop, na filtr topa olasiz.
Agar hoziroq yaxshi modelni olmoqchi bo‘lsangiz-u, pulingiz yetmayotgan bo‘lsa, AVO platinum kredit kartasidan foydalaning. Orzuingizdagi robot-changyutgichni hoziroq kredit limitidan foydalanib sotib olishingiz va sarflangan summani ish haqingizni olgach qaytarishingiz mumkin. Imtiyozli davr (45 kungacha) ichida qaytarsangiz, foiz to‘lashingizga hojat qolmaydi.
*Maqolada keltirilgan ma’lumotlar saytga joylashtirilgan vaqt uchungina amal qiladi: fikrlar muallifning shaxsiy qarashlarini aks ettiradi va AVO bank'ning rasmiy nuqtayi nazariga mos kelmasligi mumkin. Bank havola qilingan tashqi manbalar uchun mas’uliyatni zimmasiga olmaydi, ko‘rsatilgan narxlar esa taxminiy xarakterga ega. Qaror qabul qilishdan oldin eng so‘nggi ma’lumotlar bilan tanishib chiqishni tavsiya qilamiz.
