Biz AVO bank’da onlayn mikroqarz mahsulotini ishga tushirdik. Bu biz uchun muhim yangilik, chunki u, avvalo, mijozlarimizning qulayligi va foydasiga xizmat qiladi: endi kerakli xarajatlar uchun pulni tez va to‘liq onlayn olish mumkin.
Biz mikroqarzni odamlarning hayotiy ehtiyojlari va bozor amaliyotiga tayangan holda ishlab chiqdik. Rasmiylashtirish AVO bank ilovasida amalga oshiriladi: garovsiz, kafil va daromad haqida ma’lumotnomasiz. Rasmiylashtirgandan so‘ng pul darhol hisobingizga tushadi — shunda moliyaviy muammolaringizni kutish va ortiqcha ovoragarchiliklarsiz hal qilishingiz mumkin. Mikroqarz miqdori 100 mln so‘mgacha.
Olish jarayoni imkon qadar sodda va shaffof ishlab chiqilgan. Mijoz bitta ariza yuboradi va darhol turli shartlar asosida bir nechta taklifni oladi — ushbu takliflarni taqqoslab, ayni paytda mos keladiganini tanlash mumkin. Shuningdek, mikroqarzni qaytarish uchun 30 kungacha foizsiz davr ham nazarda tutilgan, bu mijozlarga to‘lovni qulay rejalashtirish uchun imkoniyat yaratadi.
To‘lov kechikib qolishi mumkin bo‘lgan holatlar uchun shartlarni ham alohida ta’kidlaymiz: kechiktirilgan to‘lovning dastlabki 60 kunida penya va jarimalar hisoblanmaydi. Biz hayotiy vaziyatlar turlicha bo‘lishini tushunamiz, shu sababli mijozga bosimni kamaytiradigan va ortiqcha moliyaviy yuklamalarsiz to‘lov jadvaliga qaytishga yordam beradigan yumshoq davrni ko‘zda tutdik.
Mavjud takliflarni ko‘rish uchun AVO bank ilovasini oching va «Mikroqarzlar» bo‘limiga o‘ting 💛
