Bugungi kunda do‘stingizga pul o‘tkazish yoki biror narsani onlayn to‘lash uchun bankka borish, terminal oldida navbatda turish yoki kerakli kvitansiya qayerda ekanini eslash shart emas. Hammasi ancha osonlashgan: bank ilovasini ochib, oluvchining karta raqami va summani kiritasiz — bo‘ldi. Pul bir zumda egasiga yetib boradi, siz esa xotirjam o‘z ishlaringizga qaytaverasiz.
O‘zbekistonda bu usuldan har kuni millionlab odamlar foydalanadi. Kimdir tushlik uchun qarzini qaytaradi, kimdir ijara haqini to‘laydi, boshqasi esa boshqa shahardagi qarindoshlariga pul jo‘natadi. Bularning barchasi joydan turmay amalga oshiriladi.
Onlayn o‘tkazmalarning afzalliklari
Birinchidan, juda qulay. Uyda, ishxonada yoki taksida — qayerda bo‘lishingizdan qat’i nazar, pulni to‘g‘ridan-to‘g‘ri telefoningiz orqali o‘tkazishingiz mumkin. Aytaylik, kasal bo‘lib qolib, uydan chiqa olmayapsiz, oyingiz dori olib kelishi kerak, lekin puli yo‘q. Ilovani ochib, o‘tkazmani amalga oshirsangiz kifoya.
Ikkinchidan, bu juda tez. Pul bir necha soniyada yetib boradi. Eng muhimi — xavfsiz. Hamma operatsiyalar SMS yoki push-xabar orqali tasdiqlanadi, shu sababli hech kim pulingizni shunchaki olib qo‘yolmaydi.
Pul o‘tkazish usullari
Eng oson va keng tarqalgan usul — mobil ilova orqali. Aytaylik, sizda AVO platinum kredit kartasi bor va do‘stingizga 150 000 so‘m o‘tkazmoqchisiz. Ilovani ochib, uning karta raqami va summani kiritasiz — tamom. Pul shu zahotiyoq do‘stingizga yetib boradi.
Boshqa usullar ham bor: SMS, bankomat, terminallar orqali yoki bank operatori yordamida. Biroq ko‘pchilik aynan telefonni tanlaydi — chunki u tez va doimo qo‘l ostida bo‘ladi.
Komissiya-chi?
Bu qaysi bank kartasidan va qayerga pul o‘tkazayotganingizga bog‘liq. Bitta bank kartalari orasidagi o‘tkazmalardan odatda komissiya olinmaydi. Lekin turli banklar o‘rtasida pul o‘tkazsangiz, ozgina komissiya, masalan, summaning 0,5–1% i olinishi mumkin. Tariflar bilan oldindan mobil ilova yoki saytda tanishib chiqing.
AVO bank barcha xizmatlarni iloji boricha foydali qilishga harakat qiladi. Misol uchun, ilovada AVO kartalari o‘rtasida pul o‘tkazsangiz, ortiqcha biror so‘m ham to‘lamaysiz.
Kredit kartasidan pul o‘tkazsa-chi?
Bunday qilish ham mumkin. AVO platinum kredit kartasi, debet kartangizda kutilmaganda pul tugab qolsa, pul o‘tkazmalarini amalga oshirish imkonini beradi. Bu juda qulay — bankomat qidirish yoki birovdan qarz so‘rashning hojati yo‘q.
Lekin shuni hisobga olish kerak: kredit kartadan o‘tkazmalar uchun komissiya olinishi mumkin. Shunga qaramay, kartaning afzalliklari ham bor — kredit limitidan qilingan har bir xarid uchun 1% keshbek, hamkor servislarda chegirmalar va eng muhimi — 45 kungacha foizsiz muddat. Bu nafaqat kundalik hayot uchun, balki kutilmagan vaziyatlarda ham ajoyib yechim hisoblanadi.
Nima uchun ishonchli bank tanlash muhim?
Pul o‘tkazayotganda, ayniqsa katta miqdordagi pul haqida gap ketganda, u oluvchiga yetib borishiga ishonch hosil qilish muhim. Shuning uchun tavakkal qilmasdan, yaxshi ilovalar va samarali mijozlarni qo‘llab-quvvatlash xizmatiga ega bo‘lgan, ishonchli banklardan foydalanish kerak.
AVO bank aynan soddalik va xavfsizlikka alohida e’tibor qaratadi. Ilova tez ishlaydi, pul o‘tkazmalari uzilishlarsiz amalga oshiriladi va mijozlarni qo‘llab-quvvatlash xizmati zudlik bilan javob beradi. Bu nafaqat vaqtingizni, balki asablaringizni ham asraydi.
Komissiyalarsiz pul o'tkazing
AVO kartalari orasidagi bepul o‘tkazmalar
Pul yetib bormasa, nima qilish kerak?
Pul hisobingizdan yechilgan, lekin oluvchiga yetib bormagan holatlar ham bo‘lib turadi. Avvalo, karta raqamini to‘g‘ri kiritganingizni tekshiring. Agar hammasi to‘g‘ri bo‘lsa-yu, pul baribir yetib bormagan bo‘lsa, bank qo‘llab-quvvatlash xizmatiga murojaat qiling. Odatda bunday vaziyatlar 1–2 kun ichida hal qilinadi.
Agar firibgarlikdan shubha qilsangiz, darhol bankka qo‘ng‘iroq qilib, kartangizni bloklang va huquqni muhofaza qilish organlariga ariza yozing. Qanchalik tez harakat qilsangiz, muammongiz shunchalik tez hal bo‘ladi.
Xulosa
2025-yilda kartadan kartaga pul o‘tkazish kundalik hayotimizning oddiy qismiga aylanib qolgan. Eng muhimi — ishonchli xizmatlardan foydalanish, karta ma’lumotlarini hech kimga oshkor qilmaslik va jo‘natishdan oldin rekvizitlarni sinchkovlik bilan tekshirishdir.
Agar sizda AVO platinum kartasi bo‘lsa, raqamli bankning barcha afzalliklaridan foydalanib, pul o‘tkazmalarini tez va xavfsiz amalga oshira olasiz. 2025-yilda bo‘lishi kerakligidek, barcha imkoniyatlar qo‘l ostingizda bo‘ladi.
