Zamonaviy smartfonlar — endi shunchaki qurilma emas, balki cho‘ntagimizdagi butun boshli kichik koinot. Lekin, ularning narxi tobora ko‘proq ishlatilgan avtomobilnikiga tenglashib boryapti. Yangi iPhone yoki zo‘r Samsung’dan yarim yil pul yig‘masdan foydalanishni kim ham istamaydi? Aynan shu vaziyatda kredit yoki muddatli to‘lov yordamga keladi — smartfonni darhol qo‘lga kiritasiz va asta-sekin bo‘lib to‘laysiz.
Toshkentda elektronika bozori shiddat bilan rivojlanmoqda va telefonni kreditga olish hech qachon bugungidek oson bo‘lmagan. Ko‘plab do‘konlar bank ishtirokisiz, joyida atigi pasport yordamida rasmiylashtiriladigan muddatli to‘lovni taklif qilishadi. Lekin shuni esda tutish kerakki, kredit — bu sovg‘a emas. Bu majburiyat. Va unga hisob-kitob bilan kattalarday yondashish kerak.
Kreditga telefon olishning qanday afzalliklari bor?
Telefonni kreditga olishning bir qator afzalliklari bor, ayniqsa vaqtingizni tejab, yangi qurilmadan darhol foydalanishni xohlasangiz:
Nima uchun tobora ko‘proq odamlar telefonni muddatli to‘lov yoki kreditga olishyapti? Chunki bu:
- maoshingiz oshishini kutmasdan, eng so‘nggi rusumli telefonni hoziroq qo‘lga kiritish imkonini beradi;
- qo‘shimcha to‘lovsiz muddatli to‘lov aksiyalari bor — bu imkoniyat ayniqsa yirik savdo tarmoqlarida keng tarqalgan;
- muddatli to‘lovni rasmiylashtirish juda oson — ko‘pincha faqat pasport va ShJBPH raqami talab qilinadi;
- to‘lov muddatlari moslashuvchan — to‘lovlarni 3 oydan 24 oygacha cho‘zish mumkin;
- har doim ham bankka murojaat qilish shart emas.
Bunday shartlar, ayniqsa yoshlar, talabalar va norasmiy ishlaydigan kishilarga mos keladi — chunki banklar ko‘pincha bunday fuqarolarga kredit bermaydi.
Telefon uchun kredit olishda nimaga e’tibor berish kerak?
- Shartnomani o‘qing. Hatto menejer «hech qanday yangi narsa yo‘q, shartlar hammanikiday» desa ham, albatta o‘qib chiqing. Shartlar ko‘zga tashlanmaydigan bo‘lishi mumkin.
- Tafsilotlarni aniqlashtiring: foiz stavkasi qancha, oyiga qancha to‘lashingiz kerak, qancha muddatga olyapsiz.
- Yashirin shartlarni izlang — ba’zida yashirin komissiyalar yoki muddatidan oldin to‘lash uchun jarimalar mavjud bo‘lishi mumkin.
- Takliflarni taqqoslang. Bir nechta do‘konlarni aylanib chiqishga erinmang — «MediaPark», «UMOBILE», «Globus» va boshqalar ko‘pincha turlicha shartlarni taklif qiladi.
Ba’zi joylarda kreditni umuman bank ishtirokisiz berishadi — do‘konning o‘zi bo‘lib-bo‘lib to‘lashni taqdim etadi. Bu ayniqsa, ma’lumotnomalar to‘plashni va kredit tarixingizni tushuntirishni xohlamasangiz juda tez va qulay usul.
AVO platinum bilan smartfon sotib oling
100 mln gacha kredit limitini oling va 45 kungacha foizsiz qaytaring
Kreditga telefon olish uchun qanday hujjatlar kerak bo‘ladi?
- Pasport
- ShJBPH
- Daromadlar haqida ma’lumotnoma (har doim ham emas)
- Kafil yoki garov kerak bo‘lishi mumkin (kredit summasiga bog‘liq)
Lekin 90% holatlarda, ayniqsa kichik summa uchun, pasport va ShJBPH yetarli bo‘ladi. Bu talabalar va hali rasmiy ishga joylashmagan kishilar uchun kredit olish jarayonini osonlashtiradi.
Kreditga telefon olgandan keyin nima qilish kerak?
Telefon olganingizdan keyin, eng muhimi — muntazam tarzda to‘lov qilishni unutmaslik kerak. Jadval bo‘yicha to‘lash nafaqat sizni jarima va penyalardan asraydi, balki yaxshi kredit tarixini saqlab qolishga ham yordam beradi. Hech narsani o‘tkazib yubormaslik uchun eslatmalar o‘rnatish yoki avtomatik to‘lovni yoqishni maslahat beramiz.
Agar kreditni muddatidan oldin to‘lash imkoniyati paydo bo‘lsa, albatta shartnomadagi shartlarni sinchiklab tekshiring: ba’zan buning uchun qo‘shimcha to‘lov olishadi. Shuni yodda tutingki, moliyaviy obro‘yingiz birinchi to‘lovdan boshlanadi va kelajakda banklar yoki sotuvchilarning sizga bo‘lgan munosabati aynan shunga bog‘liq bo‘lishi mumkin.
O‘zingizga mos telefonni qanday tanlash kerak?
Smartfon sotib olishdan avval uni nima uchun olishingiz kerakligini aniqlab oling: suratga olish, ish, o‘yin o‘ynash yoki shunchaki kundalik muloqot uchun. Model tanlash ham, oylik to‘lovlar miqdori ham aynan shunga bog‘liq. Aytaylik, oyiga 1,5 mln so‘mgacha sarflashga tayyor bo‘lsangiz, eng so‘nggi rusumli modellarga e’tibor qaratishingiz mumkin. Agar pulingiz kamroq bo‘lsa, oddiyroq modelni tanlang.
Har xil do‘konlardagi narxlar va kredit shartlarini taqqoslashga erinmang: ba’zan aynan o‘sha telefon qo‘shni do‘konda arzonroq, muddatli to‘lov shartlari esa qulayrоq bo‘lishi mumkin. Ozgina tahlil qilsangiz, xaridingiz nafaqat ko‘ngildagidek, balki oqilona ham bo‘ladi.
Xulosa: kreditga telefon — texnologiya yoki qarzlar sari qadam?
Agar bu masalaga aql bilan yondashsangiz, kreditga telefon olish — na yomonlik, na tuzoq. U zamonaviy texnikadan hoziroq foydalanish va oz-ozdan to‘lash imkonini beradi. Eng muhimi, to‘lay oladigan summadan ortiq olmang. Agar bank ishtirokisiz muddatli to‘lov imkoniyatini topsangiz, yana ham yaxshi: orzungizdagi telefonga minimal qog‘ozbozlik, maksimal qulaylik bilan erishasiz.
