Kredit olganingizda bank deyarli har safar sug‘urtani rasmiylashtirishni taklif qiladi (ba’zan esa majburlaydi). Ayrim hollarda bu foydali bo‘lishi mumkin, lekin ko‘pincha ortiqcha xarajatga aylanadi. Yaxshi xabar shundaki, ayrim vaziyatlarda sug‘urtadan voz kechish imkoni bor — ham kredit olgan paytda, ham undan keyin. Keling, buni qanday amalga oshirish mumkinligini, kredit shartlariga qanday ta’sir qilishini va qanday qiyinchiliklar yuzaga kelishi mumkinligini ko‘rib chiqamiz.
Kreditni muddatidan oldin yopganda sug‘urtadan voz kechish
Tasavvur qiling, siz 3 yillik kredit oldingiz, lekin uni 1 yilda to‘liq yopdingiz. Demak, qolgan 2 yil uchun sug‘urtaga ehtiyoj qolmaydi va bu uchun to‘langan pulning bir qismini qaytarib olish mumkin. Buni qanday amalga oshirish kerak:
- Sug‘urta kompaniyasiga to‘lovni qaytarish to‘g‘risida ariza bilan murojaat qiling.
- Kreditning muddatidan oldin yopilganini tasdiqlovchi hujjatlarni taqdim eting.
- Foydalanilmagan sug‘urta davri uchun pulingizni qaytaring.
Agar sug‘urta kompaniyasi arizangizni rad etsa, sudga murojaat qilish mumkin. Odatda, sud qarz oluvchi foydasiga hal bo‘ladi.
Kredit rasmiylashtirilgandan keyin sug‘urtadan voz kechish
Agar shartnoma imzolangan bo‘lsa-yu, lekin siz fikringizni o‘zgartirgan bo‘lsangiz, buni amalga oshirish uchun 14 kun vaqtingiz bor. Bu «sovish davri» deb ataladi va shu muddat ichida sug‘urtadan voz kechib, to‘langan summani (amal qilgan kunlari chegirilgan holda) qaytarish mumkin. Buning uchun:
- Sug‘urta kompaniyasiga ariza yuboring.
- Sug‘urta shartnomasi va to‘lov kvitansiyasining nusxasini taqdim eting.
- Pul qaytarilishini kuting — odatda, bu jarayon 7–10 ish kunidan oshmaydi.
Agar «sovish davri» o‘tib ketgan bo‘lsa, sug‘urtani qaytarish faqat sug‘urta kompaniyasi roziligi bilan amalga oshirilishi mumkin.
«Sovish davri» tugaganidan keyin sug‘urtadan voz kechish
Agar 14 kun o‘tib ketgan bo‘lsa, pulni qaytarish qiyinroq bo‘ladi, lekin imkonsiz emas. Buning uchun shartnomani diqqat bilan o‘rganish kerak. Agar unda sug‘urtani bekor qilish imkoniyati ko‘rsatilgan bo‘lsa:
- Sug‘urta kompaniyasiga ariza yuboring.
- Sug‘urta davri uchun foydalanilgan oylar chegirilgan holda pulingizni qaytaring.
Agar shartnomada sug‘urtani bekor qilish imkoniyati ko‘zda tutilmagan bo‘lsa, huquqshunosga murojaat qilish tavsiya etiladi. Ba’zan pulni sud orqali qaytarish mumkin, lekin bu jarayon vaqt va qo‘shimcha harajatlarni talab qilishi mumkin.
Sug‘urta ixtiyoriy — AVO platinum esa shart!
50 million so‘mgacha limitga ega AVO platinum har bir shopping ishqibozining ajralmas do‘sti!
Xulosa
Kredit bo‘yicha sug‘urtadan voz kechish ortiqcha xarajatlarni kamaytirishga yordam beradi, ammo barcha huquqiy va moliyaviy jihatlarni inobatga olish muhim. Agar sug‘urtani bekor qilishni rejalashtirayotgan bo‘lsangiz, shartnomani diqqat bilan o‘rganing va belgilangan muddatlarga rioya qiling. Zarurat tug‘ilsa, huquqshunos yoki moliyaviy maslahatchilardan yordam so‘rang.
