Ilovamizda 5 daqiqa ichida qanday ro‘yxatdan o‘tish mumkinligini sizga tushuntirib beramiz
Bizning ilovamizda ro‘yxatdan o‘tish Uzcard yoki Humo kartalarini ulash, turli xil xizmatlarga to‘lov qilish va AVO kompaniyasidan shaxsiy mahsulotlarni olish imkoniyatini beradi: masalan, plastik yoki virtual kredit kartalari, shuningdek, to‘lov stikeri.
Ro‘yxatdan o‘tish uchun, avvalo, ilovani yuklab olish kerak: uni Google Play yoki App Store’dan topishingiz mumkin. Ilova yuklab olingach, uni oching va tilni tanlang: rus yoki o‘zbek.
So‘ng, ekranning pastki qismida belgi qo‘yishingiz kerak — bu sizning ofertamiz shartlarini qabul qilganingizni tasdiqlaydi — keyin telefon raqamingizni kiriting va «Kirish» tugmasini bosing.
Telefon raqamingizni kiritganingizdan so‘ng, raqamni tasdiqlash uchun SMS-kod keladi — uni kiriting va keyin ismingizni yozing. So‘ngra, ilovaga kirish uchun kod-parol o‘rnatishingiz kerak bo‘ladi: bu juda muhim, chunki agar smartfoningiz boshqa odamlar qo‘liga tushib qolsa, sizdan boshqa hech kim AVO ilovasiga osonlikcha kira olmaydi.
Agar qurilmangiz Face ID yoki Touch ID xususiyatlarini qo‘llab-quvvatlasa, qo‘shimcha himoya uchun bu funksiyalarni faollashtirishingiz mumkin. Ro‘yxatdan o‘tish yakunida darhol ko‘plab imtiyozlarga ega bo‘lgan AVO kredit kartangizga ariza topshirishingiz mumkin.
Barcha bosqichlarni o‘tganingizdan so‘ng, bosh sahifaga kirasiz va shundan keyin AVO ilovasining barcha funksiyalaridan foydalanishingiz, hamda uning imkoniyatlaridan bahramand bo‘lishingiz mumkin bo‘ladi.
*Maqoladagi ma'lumotlar nashr etilgan vaqt uchungina amal qiladi. AVO bank ushbu ma'lumotlar kelajakda ham xuddi shunday va dolzarb bo'lib qolishiga kafolat bermaydi. Qaror qabul qilishdan oldin eng so'nggi ma'lumotlarni tekshirishingizni maslahat beramiz.
