ZBS bilan hamkorlikdagi roliklarimiz ikkinchi mavsumining birinchi seriyasi chiqdi. Oddiy voqealar ortida qanday yolg'on yashiringanligini ko'rsatishda davom etamiz. Format o‘sha-o‘sha — tasavvur qilish oson bo'lgan va navbatdagi qo'llanma o'rniga kundalik hayotimizdagi tanish holatlarni eslatadigan qisqa mini-serial.
Birinchi mavsum o‘zini oqladi. Millionlab foydalanuvchilar tomosha qilishdi, layk bosishdi, repost qilishdi. Odamlar xavfsizlik bo'yicha zerikarli darslardan charchashdi, ularga sodda va jonli talqin kerak. Hikoya hayotiy sahna misolida aytib berilsa, xulosa uzoq vaqt esda qoladi.
Loyihaning bosh maqsadi — kimdir sizni aldamoqchi bo‘lsa, uni vaqtida payqashni o‘rgatish. Chunki hayotda bunday vaziyatlar normal holatdek ko‘rinadi: ogohlantirishlarsiz, xavfsizlikka chaqiruvlarsiz, hammasi tabiiy holatdek. Shu sababli, odamlar tuzoqni o'z vaqtida payqab, kerakli choralarni ko'ra olishi uchun firibgarlar qanday aldashini ko'rsatish muhim.
Ikkinchi mavsumning birinchi seriyasi ana shunday holat haqida. Messenjerdagi tanishuv, yoqimli suhbat, teatrga taklif va... chipta sotiladigan saytga havola. Hammasi ishonchlidek ko‘rinadi, lekin pul firibgarlarning cho'ntagiga tushadi. Ushbu kichik qissadan katta hissa olish mumkin.
Tomosha qiling va albatta yaqinlaringiz bilan bo'lishing 👉 Birinchi seriya
