Bugungi kunda karta bo‘lmasa, hayot ancha murakkablashadi. Do‘konda to‘lov qilish, internetda xarid qilish, do‘stlarga pul o‘tkazish, xorijga chiqish — bularning barchasini karta bilan amalga oshirish ancha qulayroq. Lekin qanday kartani tanlash kerak va u haqiqatan ham foyda keltiradimi?
Debet karta: bu nima?
Qisqacha aytganda, debet karta — bu sizning bank hisobingiz kaliti. Unga faqat o‘zingizga tegishli mablag‘ tushadi, kredit kartadek bankdan qarz olinmaydi. Bu degani, siz minusga tushmaysiz va ortiqcha foizlar to‘lamaysiz.
Misol uchun, kartangizda 2 million so‘m bo‘lsa, xuddi shuncha mablag‘ni ishlatishingiz mumkin. Bank sizga bundan ortiq pul sarflash imkoniyatini bermaydi. Bu byudjetni nazorat qilishni xohlaydiganlar uchun juda qulay: oy oxirida kutilmagan qarz chiqib qolmaydi.
Debet kartalarni qanday turlari mavjud?
Bugungi kunda banklar turli xil debet kartalarini taklif qilishadi. Ba’zilari xaridlar uchun keshbek qaytaradi, ba’zilari esa hisobingizdagi qoldiq uchun foiz to‘lab, uni orttirishga yordam beradi.
Agar har hafta yetkazib berish xizmatlaridan foydalansangiz, aynan shu toifadagi xaridlarga keshbek beradigan karta foydali bo‘ladi. Agar chet elda to‘lov qilish kerak bo‘lsa, valyutani avtomatik almashtiradigan va qo‘shimcha komissiya olmaydigan kartaga e’tibor berish kerak.
Ba’zilar esa pullarni darhol sarflashni emas, yig‘ishni ma’qul ko‘radi. Bunday odamlar uchun qoldiqka foiz to‘laydigan kartalar bor. Bu degani, hisobingizdagi pul harakatsiz turgan bo‘lsa ham, bank sizga foyda to‘laydi. Mayda pul bo‘lib ko‘rinsa ham, yil davomida yaxshi summa to‘planishi mumkin.
Debet kartani qayerdan va qanday olish mumkin?
Bugungi kunda karta olish juda oson. Bankni tanlab, onlayn ariza topshirish yoki shaxsan borib rasmiylashtirish kifoya. Ayrim banklar hatto kartani bepul uyga yetkazib berishadi, shuning uchun hech qayerga borishingiz shart emas.
Kartani qo‘lga kiritgandan keyin uni faollashtirish kerak. Buni mobil ilova yoki SMS orqali bajarish mumkin. Shundan so‘ng, karta foydalanishga tayyor bo‘ladi.
Kartani tanlashda nimaga e’tibor berish kerak?
Kartani tanlashda ayrim jihatlarga e’tibor berish muhim. Ba’zan banklar katta keshbek yoki bepul xizmat va’dasini beradi, lekin mayda shartlarda cheklovlar borligi keyinroq bilinadi. Keshbek faqat kamdan-kam ishlatiladigan tovarlarga tegishli bo‘lishi mumkin yoki kartaning xizmat haqi tekin bo‘lishi uchun ma’lum miqdorda xarid qilish talab qilinishi mumkin. Shuning uchun kartani tanlashdan oldin, avvalo, qanday xaridlarni amalga oshirishingizni o‘ylab ko‘ring va sizga mos variantni tanlang.
Hamyonlar — o‘tgan asrning odati
AVO platinum bilan barcha istaklaringizga 50 million so‘mgacha oling
Xulosa
Oxir-oqibat, debet karta oddiy plastik bo‘lagi emas, balki moliyaviy hayotingizni soddalashtiradigan muhim vosita. U to‘lovlarni osonlashtiradi, tejash va turli bonuslardan foydalanish imkonini taqdim etadi. Muhimi — eng birinchi uchragan kartani emas, aynan o‘zingizga mos keladiganini tanlash.
