Bank mobil ilovasi xuddi cho‘ntakdagi raqamli hamyondek: doimo qo‘l ostingizda, har doim ishga shay. Biz unga pulimizni ishonib topshiramiz, u orqali hisoblarni to‘laymiz, do‘stlarimizga pul o‘tkazamiz. Lekin shu «hamyon» himoya va yangilanishga muhtoj ekanligini o‘ylab ko‘rganmisiz?
Yangilanishlar — bu xatoliklar, ilovaning sekin ishlashi va eng muhimi, kiberfiribgarlarga qarshi haqiqiy emlashga o‘xshaydi. Ular nima uchun muhimligi va ilovalarning yangi versiyalarini qanday to‘g‘ri o‘rnatish kerakligini batafsil tushuntirib o‘tamiz.
Firibgarlardan yaxshiroq himoya
Bank ilovalari firibgarlar uchun eng mashhur nishonlardan biri hisoblanadi. Xakerlar pulni o‘zlashtirib olish uchun doimiy ravishda zaif joylarni izlaydilar. Dasturchilar esa, o‘z navbatida, bu «zaif nuqtalar»ni aniqlab, ularni tezda bartaraf etadilar. Lekin bu yerda bir muhim narsaga e’tibor berish kerak.
Agar ilovani yangilamasangiz, bu zaifliklar aynan sizning telefoningizda ochiq holda qolaveradi. Ya’ni, muammo hal qilingan bo‘lsa ham, sizning versiyangiz hamon xavf ostida bo‘ladi. Shu sababli ilovani muntazam yangilash — bu tanlov emas, balki pulingizni himoya qilishning haqiqiy usuli.
Yangi imkoniyat va afzalliklar
Yangilanishlar faqat xavfsizlik masalasi emas. Ular bilan birga ko‘pincha yangi funksiyalar, bonus dasturlari va qulay imkoniyatlar ham qo‘shiladi. Ba’zida hatto butun bo‘limlar ham paydo bo‘ladi.
Masalan, AVO ilovasining oxirgi yangilanishida quyidagi imkoniyatlarga ega «Omonatlar» bo‘limi paydo bo‘ldi:
- 25% gacha yillik daromad;
- istalgan paytda pul qo‘yish va yechish;
- ilovaning o‘zida boshqarish.
Tezroq, qulayroq, tushunarliroq
Yangi imkoniyatlar bilan birga ilovaning interfeysi ham yangilanadi. Dasturchilar navigatsiyani soddalashtirib, ortiqcha elementlarni olib tashlab, ishlash tezligini oshirishadi.
Natijada kamroq tugma bosiladi, ilova qulayroq va yaxshiroq ishlaydi. Agar ilgari biror narsani topa olmagan bo‘lsangiz yoki ilova sekin ishlagan bo‘lsa, yangilangan versiyada bu muammolar bo‘lmaydi.
Ilovani qanday xavfsiz yangilash mumkin
- Ilovaning yangi versiyasini faqat App Store yoki Google Play orqali yuklang.
- Messenjer yoki veb-saytlardagi havolalar orqali APK fayllarini yuklamang — bu soxta bo‘lishi mumkin.
- Eng yaxshisi, avtomatik yangilanish funksiyasini yoqib qo‘ying — shunda har doim bir qadam oldinda bo‘lasiz.
Va nihoyat
Yangilanishlar shunchaki «yana bir 200 Mb hajmli fayl» degani emas. Bu — xavfsizligingiz, qulayligingiz va imkoniyatlaringiz garovi. «Yangilash» tugmasini bosish orqali o‘zingizni himoya qilasiz, ko‘proq qulayliklardan foydalanasiz va haqiqatan ham foydali bo‘lishi mumkin bo‘lgan imkoniyatlarni o‘tkazib yubormaysiz.
Agar AVO ilovasidan foydalanayotgan bo‘lsangiz, hoziroq unga bir nazar tashlang. Ehtimol, u yerda sizni yangilik kutayotgandir.
AVO ilovasini yuklab oling
100 mln.gacha limit, foydali omonat, bonuslar va keshbek — barchasi bir joyda!
