Yaqinda boshqa shaharda yashaydigan jiyanim menikiga ko‘chib keldi. U anchadan beri Vogue bilan shug‘ullanar ekan va uyga kirar-kirmas: «Toshkentda qayerda mashg‘ulotlarimni davom ettirsam bo‘ladi?» — deb so‘radi.
Men o‘ylanib qoldim. Atrofimda ko‘pi bilan zumba yoki oddiy fitnes borligini bilardim, lekin Vogue yoki High Heels deganlarini hech eshitmagan ekanman.
Qiziqishim ustun keldi va surishtirishni boshladim. Axir, raqs — bu nafaqat sport, balki kayfiyat, ishonch va hayot tarzi. Ayniqsa, Vogue kabi yo‘nalishlar.
Studiyalarga o‘tishdan oldin bu yo‘nalishlar haqida qisqacha ma’lumot berib o‘tsam:
Vogue 60-yillarda Nyu-Yorkdagi klub madaniyatidan kelib chiqqan. Unda improvizatsiya, podium yurishi va modalar jurnalidagi modellarga o‘xshash pozalar bo‘ladi. Heels esa — poshnali oyoq kiyimda ijro etiladigan raqs. Unda ayollik, nafislik va plastika ochiladi.
Biz jiyanim bilan Toshkentdagi bir nechta raqs studiyalariga kirib ko‘rdik va hozir ular haqidagi taassurotlarimiz bilan bo‘lishaman💃
FS WOMEN
Zallar keng, devorlarga oyna o‘rnatilgan. Poshnada sirpanib ketmaslik uchun polga qulay qoplama to‘shalgan.
Garderoblarda shkafchalar yetarli, hamma joy toza. Sinov darsida murabbiy yangi kelganlarga alohida e’tibor qaratib, pozalarni to‘g‘rilashga yordam beradi. Tajribasiz bo‘lsangiz ham o‘zingizni erkin his qilasiz. Individual darslar yo‘q, lekin guruh mashg‘ulotlarida hech kimni e’tiborsiz qoldirmaydi. Studiyadagi muhit bir-birini qo‘llab-quvvatlaydigan ayollar klubini eslatadi.
Studiyada Fem Vogue, High Heels, Dancehall va Choreo yo‘nalishlariga yozilishingiz mumkin.
2 ta filiali bor.
📍 Buyuk Ipak Yo‘li m.
Bo‘zbozor 7-tor ko‘chasi, 21-uy
📍 Oybek m.
Avliyo-Ota ko‘chasi, 4A-uy
Funky Sketchers
Yoshlarbop muhit: devorlarda yorqin graffiti chizishgan, baland qilib jo‘shqin musiqa qo‘yishgan. Zal unchalik katta emas, lekin shahar markazida joylashgan. Sinov darsida bir vaqtning o‘zida bir nechta yo‘nalishni sinab ko‘rishingiz mumkin. Shunda qaysi biri ko‘nglingizga yaqinligini tushunib olasiz. Murabbiylar energiyaga to‘la, hazil-huzul qilishadi va yordam berishadi.
Vogue, High Heels, Dancehall va Fem Choreo yo‘nalishlaridan birini tanlasangiz bo‘ladi.
Manzil: Kosmonavtlar m.
Chimkent ko‘chasi, 17-uy
✨ Hayotga 1 marta kelasiz — zavqlanib yashang!
AVO platinum rejalaringizni yorqinroq qiladi
VISHNYA
Yuqoridagilariga qaraganda kichikroq studiya, odam kamroq, lekin texnika ustida yaxshi ishlashadi. Murabbiylar juda professional. Raqs bilan jiddiy shug‘ullanishga kirishganlar uchun mos keladi. Narxlar sal balandroq, lekin zal va muhit bunga arziydi: yorug‘lik, ovoz, jihozlar — hamma narsa yuqori darajada. Sinov darsi ham qimmatroq, lekin mashg‘ulotlar natija berishi ish boshidanoq ko‘rinadi.
Bu yerda High Heels, Fem Dancehall va Fem Choreo kabi raqslardan zavqlanishingiz mumkin.
Manzil: Kosmonavtlar m.
Yusuf Xos Hojib ko‘chasi, 56-uy
Merci Danse
Studiya juda shinam, butun devor bo‘ylab katta oyna o‘rnatilgan. Odam ko‘p emas, guruhlarda o‘rganuvchilar kam— gavjum zallarda shug‘ullanishdan tortinadiganlar uchun yaxshi tanlov. Kamchiligi — yaqinida yashamasangiz, yo‘l uzoqlik qilishi mumkin.
Studiyada High Heels va Dancehall yo‘nalishlari bo‘yicha darslar o‘tishadi.
Manzil: Novza m.
Qatortol ko‘chasi, 60A/1-uy, Parus savdo majmuasining 5-qavati
Apocalypse
Zal yerto‘lada joylashgan bo‘lsa ham, ajoyib akustika va jo‘shqin kayfiyat hukm suradi. Musiqa hayajonli, murabbiylar avval tanani qizdirib, stretching mashqlarini o‘tkazadi va asta-sekin xoreografiyaga o‘tadi. Bepul sinov darsi va sabrli murabbiylar — raqs hayotiga endi qadam tashlayotganlar uchun ajoyib imkoniyat. Yagona kamchiligi — uzoqqa borish kerakligi.
Bu yerda High Heels yoki Dancehall yo‘nalishlarida o‘zingizni sinab ko‘rishingiz mumkin.
Manzil: Novza m.
Qatortol ko‘chasi, 60A/1-uy, Parus savdo majmuasining 1-qavati
Abonement va sinov darslari narxlari
Studiyalar | Vogue и Heels’ga abonement narxi | Sinov darsi | Afzalligi | Kamchiligi |
|---|---|---|---|---|
FS WOMEN | 12 ta mashg‘ulot narxi 800 000 | 100 000 |
| – |
Funky Sketchers | 12 ta mashg‘ulot narxi 650 000 | Bepul |
| – |
VISHNYA | 8 ta mashg‘ulot narxi 1 000 000 12 ta mashg‘ulot narxi 1 100 000 | 120 000–200 000 |
|
|
Merci Danse | 12 ta mashg‘ulot narxi 600 000 | 70 000 |
|
|
Apocalypse | 12 ta mashg‘ulot narxi 480 000 | Bepul |
|
|
Raqsni byudjetga qanday kiritish mumkin
Men raqsga ham sevimli mashg‘ulot, ham o‘zimga kiritiladigan sarmoya sifatida qarayman. Uning yordamida a’lo kayfiyatda yuramiz, yangi tanishlar orttiramiz. Agar uy yoki ish joyingizga yaqin qulay narxlardagi studiyani topsangiz, raqs qimmat mashg‘ulot bo‘lmasdan, moliyaviy rejangizning bir qismiga aylanadi. Abonement olish arzonroq tushadi, buning ustiga muntazam qatnashingizga turtki bo‘ladi.
Jiyanimga Funky Sketchers ham narxi, ham joylashuvi bilan mos keldi. Zal «ЦУМ» yonida joylashgan. Yoshlarbop studiyada Vogue’ni o‘rganishni davom ettirishdan xursand bo‘ldi.
Jiyanimga har bir yarim oyda yangilanadigan va 100 mln so‘mgacha limit beradigan AVO platinum kredit kartasi haqida aytib berdim. Pulni xohlagan narsaga sarflash mumkin, agar 45 kungacha foizsiz davrda qaytarilsa, foiz hisoblanmaydi. Har bir xariddan 1 % keshbek olish imkoniyati tufayli o‘zim ham undan foydalanaman.
Endi jiyanim ham har bir abonementi uchun keshbek oladi va istagan paytda oylik maoshini kutmay darslar uchun to‘lov qiladi.
Xulosa qilsak
Ha, Toshkentda Vogue va Heels hali-hanuz unchalik mashhur bo‘lmagan uslublar bo‘lib qolyapti, lekin kam bo‘lsa ham studiyalar bor va ularning har biri o‘ziga xos muhitga ega. Ba’zi joylarda ko‘proq drayv, boshqasida esa ixcham zal va nostandart yondashuv bo‘ladi. Eng muhimi, o‘zingizga qulay joyni tanlang, qolgani o‘z-o‘zidan ketaveradi. O‘zingizni oqimda his qilish va har bir kunni yorqin o‘tkazish uchun ajoyib imkoniyat, shunday emasmi?
Endi biror kun kimdir sizdan Vogue haqida so‘rab qolsa, tayyor ro‘yxatingiz bo‘ladi 😉
*Maqolada keltirilgan ma’lumotlar saytga joylashtirilgan vaqt uchungina amal qiladi: fikrlar muallifning shaxsiy qarashlarini aks ettiradi va AVO bank'ning rasmiy nuqtayi nazariga mos kelmasligi mumkin. Bank havola qilingan tashqi manbalar uchun mas’uliyatni zimmasiga olmaydi, ko‘rsatilgan narxlar esa taxminiy xarakterga ega. Qaror qabul qilishdan oldin eng so‘nggi ma’lumotlar bilan tanishib chiqishni tavsiya qilamiz.
