Kapital so‘zi ko‘pincha yangiliklarda yoki iqtisod kitoblarida uchraydi. Lekin u aslida nimani anglatadi? Oddiy qilib aytganda, kapital — bu kelajakda daromad topishga va foyda yaratishga yordam beradigan narsalar. Uskuna, noutbuk, bankdagi pul yoki hatto bilimlaringiz ham kapital bo‘lishi mumkin. Eng muhimi, kapital ishlatilsa, foyda keltiradi.
Kapitalning asosiy turlari
Kapital turlicha bo‘ladi.
Jismoniy kapital — binolar, texnika, uskunalar, transport. Masalan, tikuvchining tikuv mashinasi yoki fermerning traktori.
Moliyaviy kapital — pul, aksiyalar, kreditlar. Ular orqali boshqa turdagi kapital sotib olish yoki yangi ish boshlash mumkin.
Inson kapitali — bilim, tajriba va ko‘nikmalar. O‘qish, kurslar, amaliyot — keyinchalik ko‘proq daromad olib keladigan o‘z ustingizda ishlash ko‘nikmasi.
Intellektual kapital — brendlar, mualliflik huquqi, patentlar, g‘oyalar. Masalan, maxsus retsept yoki telefon uchun ilova.
Odatda bularning hammasi birgalikda ishlaydi. Masalan, qahvaxona ochish uchun ham pul, ham jihozlar, ham oshpazlar, ham yaxshi nom kerak bo‘ladi.
Kapital qanday qilib daromad keltiradi
Kapital shunchaki yotmaydi, u ishlashi kerak. Masalan, bir kishi pech sotib olib, nonvoy yollasa, pech — jismoniy kapital, nonvoyning ko‘nikmalari — inson kapitali bo‘ladi. Birgalikda ular non ishlab chiqarishadi va uni tannarxidan qimmatroq sotishadi. Shu orqali foyda olishadi.
Lekin faqat kapitalning o‘zi yetmaydi. Vaqt va mehnat ham talab qilinadi, mijoz topish, ishni yo‘lga qo‘yish, xodimlarni o‘qitish kerak. Bularsiz novvoyxona foyda olib kelmaydi.
Nega kapitalga sarmoya kiritish muhim
Ko‘pchilik boylikni faqat pul deb o‘ylaydi. Aslida esa boylik — bu siz uchun ishlaydigan aktivlar, ya’ni kapital.
Masalan, kishi daromadining bir qismini o‘qishga sarflasa, u o‘zining inson kapitalini oshiradi va yaxshi ish topish imkoniyati ortadi. Fermer esa zamonaviy sug‘orish tizimini sotib olsa, xarajatni kamaytiradi va ko‘proq hosil oladi. Bu jismoniy kapitaldan to‘g‘ri foydalanish deyiladi.
Kapitalga kiritiladigan sarmoya katta bo‘lishi shart emas: kitob sotib olish, kursga yozilish yoki ko‘rgazmaga borish ham kapitalga qo‘shilgan hissa bo‘ladi. Muhimi, faqat bugunni emas, kelajakni ham o‘ylash.
Ongli sarmoya
AVO omonatini bir daqiqada oching va 25% gacha daromad oling
Kapital mahalliy iqtisodiyotga qanday ta’sir qiladi
Kapital nafaqat har bir odam, balki butun mamlakat uchun ham muhim. Tadbirkorlar zamonaviy uskunalar sotib olib, xodimlarni o‘qitib, yangi mahsulotlar yaratsa, boshqalarga ham ish beradi va odamlar hayoti yaxshilanadi.
Davlat ham yordam beryapti, kichik biznesni qo‘llab-quvvatlash dasturlari, imtiyozli kreditlar, ta’lim loyihalari bor. Bu yetarli resursga ega bo‘lmagan yoshlar va qishloq aholisi uchun ajoyib imkoniyat.
Kapital — kelajakka ko‘prik
Kapital — shunchaki iqtisodiy so‘z emas, balki rivojlanish vositasi. U katta yoki kichik, moddiy yoki nomoddiy bo‘lishi mumkin, lekin hammasining maqsadi bir xil — kelajak uchun ishlash.
Bilimga, uskunaga yoki texnologiyalarga sarmoya kiritsangiz, bu oddiy xarajat emas. Bu — ertangi kuningiz uchun poydevor. Qanchalik erta boshlasangiz, natija shunchalik mustahkam bo‘ladi. Kapital — har kim foydalanishi mumkin bo‘lgan imkoniyat. Uni aql va sabr bilan ishlatish kerak.
AVO ilovasini yuklab oling
100 mlngacha limit, onlayn omonat va bonuslar sizni kutmoqda
